Аргентиналық футболшы шешімді ұзақ ойланғаннан кейін қабылдағанын айтты. Оның сөзінше, ұлттық құрамамен қоштасу өзіне өте ауыр тиген, бірақ мансаптың осы кезеңін аяқтайтын уақыт жеткен.

"Бұл шешім жанымды ауыртты және әлі де ауыртады. Бірақ кететін уақыт келгенін түсінемін. Осы жейде үшін әрқашан барымды салдым. Аргентина халқына қуаныш сыйлап, футбол арқылы елін мақтан тұтуына көмектескім келді", — деп жазды Месси.

Ол ұлттық құрамадағы орнын алуға лайық талантты жас футболшылар өсіп келе жатқанын да атап өтті.

Месси Аргентина құрамасы сапында өткізген 20 жыл ішінде қолдау көрсеткен жанкүйерлеріне алғыс білдірді. Енді ол ұлттық команданың ойынын алаң сыртынан бақылап, қуанышты да, қиын сәттерде де қолдайтынын жеткізді.

Футболшы отбасы мүшелеріне, бапкерлеріне, командаластарына және Аргентина футболы басшыларына ризашылығын білдірді.

"Мен тыныш көңілмен әрі мақтанышпен кетіп барамын. Командаластарыммен бірге сіздерге ұмытылмас сәттер сыйлай алғанымызға қуаныштымын. Құрамада ойнағанды әрдайым жақсы көрдім және жақсы көре беремін. Құдайға мені аргентиналық етіп жаратқаны үшін рахмет", — деді шабуылшы.

Месси бұл сөздерді 21 шілдеде, финалдан екі күн өткен соң жазғанын айтты. Сонымен бірге әкесіне қатысты болған оқиғадан кейін шешімінің дұрыстығына бұрынғыдан да қатты сенгенін жеткізді. Футболшы оқиғаның мән-жайын нақтылаған жоқ.

Лионель Месси Аргентина ұлттық құрамасында 2005 жылғы 17 тамызда дебют жасады. Венгрияға қарсы жолдастық кездесуде алаңға қосалқы құрамнан шыққан ол небәрі 45 секундтан кейін қызыл қағаз алды.

Кейін шабуылшы "альбиселестенің" басты жұлдызы әрі капитанына айналып, құраманың барлық негізгі рекордтарын жаңартты.

Аргентина құрамасындағы статистикасы: 

Месси Аргентина құрамасының тарихындағы ең көп матч өткізген және ең көп гол соққан футболшы ретінде ұлттық командадағы мансабын аяқтады. Ол сондай-ақ "альбиселесте" сапында ең көп жүлде жеңіп алған ойыншы мәртебесіне ие.

Қазақстан футбол федерациясы алдағы айда легионерлер лимитіне байланысты бірнеше кеңес өткізуді жоспарлап отыр. Бұл туралы AmanVIBE жазды. 

Талқылаулар аяқталғаннан кейін ҚФФ қолданыстағы тәртіпті сақтау немесе бұрын бекітілген талаптарға өзгеріс енгізу жөнінде түпкілікті шешім қабылдайды.

Қазақстан футбол федерациясының Атқарушы комитеті былтыр ҚПЛ клубтарының құрамындағы шетелдік ойыншылар санын біртіндеп қысқарту жоспарын бекіткен.

Қолданыстағы жоспар бойынша:

Қазір легионерлерге қойылатын талаптар футбол қауымдастығында қайта талқыланып жатыр. Сондықтан бұған дейін бекітілген тоғыз және сегіз шетелдік ойыншыға қатысты шектеулер өзгеріссіз қалатынына кепілдік жоқ.

ҚФФ-ның нақты шешімі жоспарланған кеңестерден кейін белгілі болады.

Қазақстандық шахматшы бұл атаққа шілде айында Қырғызстанда өткен Орталық және Солтүстік Азия жасөспірімдері арасындағы чемпионатта қол жеткізді.

18 жасқа дейінгі шахматшылар санатында бақ сынаған Данис тоғыз партияның жетеуінде жеңіске жетіп, қалған екі кездесуін тең аяқтады. Нәтижесінде мүмкін болған 9 ұпайдың 8-ін жинады.

Қуандықұлының турнирдегі рейтингтік перформансы 2533 болды. 

Халықаралық шахмат федерациясының регламентіне сәйкес U18 санатындағы аймақтық чемпионаттың жеңімпазы халықаралық шебер атағын тікелей иеленеді.

Осылайша Қырғызстандағы жарыста топ жарған Данис Қуандықұлы қажетті нормаларды бөлек орындамай-ақ мәртебелі атаққа жетті. 

Жас шахматшы бұған дейін әлемдік деңгейде екі рет жеңіс тұғырына көтерілген:

Филип Хргович пен Ұлыбританияның талантты суперауыр салмақты боксшысы Мозес Итаума Лондонда өткен бокс кешінде қолғап түйістірді.

Хорватиялық боксшы қарсыласының ауыр соққыларына төтеп беріп, тоғызыншы раундта оны нокаутқа түсірді. Осы жеңістің арқасында Хргович IBF нұсқасы бойынша әлем чемпионы атағын иеленді.

Жекпе-жектен кейін Баходир Джалолов әлеуметтік желі арқылы Хрговичті құттықтап, болашақта онымен рингте кездескісі келетінін аңғартты.

"Тамаша жеңіспен құттықтаймын. Сен керемет мінез көрсетіп, нағыз жауынгер екеніңді дәлелдедің. Құрметке лайықсың, чемпион. Бірақ ерте ме, кеш пе, біздің жолымыз түйіседі. Сол күн келгенде кімнің нағыз чемпион екенін анықтаймыз", — деді Джалолов.

Джалолов әуесқой бокста қатарынан екі Олимпиада ойындарының жеңімпазы атанғаннан кейін кәсіпқой мансабына басымдық берді. Оның кәсіби рингтегі статистикасы:

Соған қарамастан соңғы екі жылда өзбекстандық суперауыр салмақ өкілі небәрі үш кездесу өткізді. Игорь Шевадзуцкийге қарсы айқаста да Джалолов бірқатар қиындыққа тап болған еді.

Қазір ол IBF рейтингінде алтыншы, ал WBO тізімінде жетінші орында тұр. Дегенмен әзірге әлем чемпионы атағы үшін жекпе-жекке айтарлықтай жақындай алған жоқ.

Жуырда Баходир Джалолов әуесқой боксқа қайта оралуы мүмкін екенін айтты. Оның бұл мәлімдемені әзіл немесе шынайы жоспар ретінде жасағаны белгісіз.

Боксшы 19 қыркүйекте Жапонияның Нагоя қаласында басталатын Азия ойындарына қатысу мүмкіндігін қарастырып жүргені айтылды.

"Ақтөбе" 4,2 млрд теңге алып, 43 ұпай жинады. "Тобыл" — 1,3 млрд теңге және 54 ұпай. "Ордабасы" 3,5 млрд теңге қаржыландырумен маусымды 35 ұпаймен аяқтады. Осы жерде мемлекеттік қаржыландыру көлемі мен нәтиже арасында қандай байланыс бар деген сұрақ туады.  Себебі футболда көбіне ұпай, гол, нәтижелі пас пен трофей саналады. Ал клубтың осы нәтижеге жету үшін қанша қаржы жұмсағаны сирек есептеледі. Сондықтан мемлекет есебінен қаржыландырылатын кәсіпқой футболға қатысты мұндай сұрақтың қойылуы заңды.

ҚПЛ-дегі бір ұпай үшін мемлекет қанша теңгеге шығындалады? Бір голға ше? Біз мұны 2025 жылғы маусым мысалында есептеп көрдік. Оның қорытындысы әдеттегі турнир кестесінен әлдеқайда қызық болып шықты.

2025 жылдың көктемінде ашық дереккөздерде ҚПЛ клубтарына бөлінген мемлекеттік қаржы көлемі туралы ақпарат жарияланды.

Жарияланған мәлімет бойынша, 12 клубқа жалпы 23,44 млрд теңге бөлінген.

Тізімнің төменгі жағында 990 млн теңге алған "Жеңіс" пен 750 млн теңге бөлінген "Қайрат" тұрды. Бұл ретте алматылық клубқа берілген қаражат тек жастар мен жасөспірімдер командаларына бағытталғанын ескеру қажет.

Қорытынды ұпай саны ҚПЛ-2025 турнир кестесінен алынды: 

Алайда бірден методологиялық шектеуді белгілеп алған жөн.

МАҢЫЗДЫ ЕСКЕРТУ!

Бұл — клубтардың толық бюджеті емес. Бұл — ашық дереккөздерде жарияланған мемлекеттік қаржыландыру көлемі. Клубтардың демеушілік, коммерциялық және басқа да табыс көздері болуы мүмкін. Оның үстіне мемлекеттік қаражаттың мақсаты да әр клубта әртүрлі.

Мысалы, "Ақтөбеге" бөлінген 4,2 млрд теңгенің ішінде негізгі және қосалқы құрам, әйелдер және балалар командаларының шығыстары бар, сондай-ақ 1,071 млрд теңге еурокубоктарға қарастырылған. Ал "Қайратқа" берілген 750 млн теңге, керісінше, жастар мен жасөспірімдер футболына арналған. Сондықтан соңғы бағанды "бір ұпайдың құны" деп атау методологиялық тұрғыдан қате. Дұрысы - бір ұпайға шаққандағы мемлекеттік қаржыландыру көлемі.

"Ақтөбеге" назар аударайық. 4,2 млрд теңге. Бұл — клубтар арасында жарияланған ең үлкен сома. Турнир кестесіндегі нәтиже — 43 ұпай және бесінші орын. 

Енді "Тобыл". 1,3 млрд теңге. Яғни мемлекеттік қаржыландыру көлемі шамамен 3,2 есе аз. Нәтиже қандай? 54 ұпай және қола жүлде. "Тобыл" салыстырмалы түрде мемлекеттен аз қаржы алғанымен, 11 ұпай көп жинады.

"Ордабасымен" салыстырғанда айырмашылық одан да айқын. Шымкенттік клуб 3,5 млрд теңге алды. Маусымды 35 ұпаймен аяқтады. Демек, бір ұпайға 100 млн теңге жұмсаған. 

Мәселен, "Тобылда" 24,1 млн теңге. Көрсеткіш төрт есе аз. Бірақ "Тобыл" шымкенттік ұжымнан 19 ұпай артық жинады.

Осы 12 клуб бойынша жарияланған мемлекеттік қаржыландыру көлемі мен жиналған ұпай санын Пирсон корреляциясы бойынша есептеп көрдік. 

Нәтиже: r = 0,07. Бұл нені білдіреді?

Нөлге жақын мән мемлекеттік қаржыландыру көлемі мен жиналған ұпай саны арасында іс жүзінде байланыс жоқ екенін көрсетеді. Бірден айта кету керек, футболда ақшаның маңызы жоқ дегенді білдірмейді. 

Ал кәсіби футболда дәл осы жалақы қоры спорттық нәтиженің ең күшті қаржылық предикторларының бірі болып саналады.

Сондықтан r≈0,07 дегеніміз "ақша футболға әсер етпейді" деген сөз емес. Ол басқа нәрсені көрсетеді: мемлекеттік қаржының көбірек бөлінуі автоматты түрде көп ұпай әкеледі дегенді білдірмейді.  

Біздің кестеге сырттай қарағанда абсолютті көшбасшы "Қайрат" секілді көрінеді.

750 млн / 59 ұпай = бір ұпайға 12,7 млн теңге.

"Ордабасыда" 100 млн теңге. Айырмашылық шамамен сегіз есе.

Бірақ осы көрсеткішке қарап, "Қайрат" "Ордабасыдан" сегіз есе тиімді деп айтуға болмайды. Неге? Өйткені "Қайрат" алған 750 млн теңге негізгі команданың толық қаржы ресурсы емес. Ашық дереккөздерде мемлекеттік ақшаның жастар мен жасөспірімдер құрылымына арналғанын тікелей көрсетеді. Сондықтан "Қайратты" бөлек қарастырған абзал.

Ал мемлекеттік қаржыландыру моделі бір-біріне ұқсас "Ақтөбе", "Ордабасы", "Елімай", "Тобыл", "Қызылжар", "Қайсар" секілді клубтарды салыстыру әлдеқайда дұрысырақ.

Осы тұрғыдан қостанайлық клуб ең қызық ұжым болып көрінеді.

1,3 млрд көлеміндегі мемлекеттік қаржымен төмендегідей көрсеткішке қол жеткізді:

Енді "Ақтөбе":

"Ордабасы":

Қарапайым метрика бойынша "Ақтөбенің" әр голына сәйкес келетін мемлекеттік қаржы көлемі "Тобылдан" шамамен 3,7 есе көп.

Бұл - бір голдың нақты өзіндік құны болмауы мүмкін, бірақ салыстырмалы efficiency ratio (тиімділік коэффициенті) ретінде қызықты көрсеткіш.

Бұл кейс шығындардың динамикасына байланысты ерекше маңызды. Жарияланған деректер бойынша, соңғы бірнеше жылда клуб 24,6 млрд теңге алған. Яғни жылына орта есеппен 6,15 млрд теңге. Кей жылдары қаржыландыру көлемі 9,2 млрд теңгеге дейін жеткен.

2025 жылы — 3,5 млрд теңге.

Ал нәтиже — 35 ұпай.

Осы жерде жанкүйерлер "Неге 3,5 млрд алған клуб чемпион болмады?" деген сұрақ қоюы мүмкін. Бірақ бұл жердегі маңызды мәселе - "көпжылдық мемлекеттік қаржыландырудан кейін клубта қандай актив қалды?" деген сауал. Себебі ол бір маусымдық турнир кестесінен әлдеқайда маңызды.

Егер клуб жыл сайын миллиардтаған теңге алатын болса, оның жинақталған capital stock-ін (жинақталған капитал) өлшеу қажет:

Дәл осы жерде ақшаны жұмсау мен ақшаны инвестициялау арасындағы шекара өтеді.

Екінші көрсеткішке көз жүгіртсек — бір соғылған голға шаққандағы мемлекеттік қаржыландыру.

Гол мен ұпай шамамен бірдей картинаны көрсетеді. Бірақ осы жерде "Тұранның" жағдайы қызық.

Бір ұпайға 75 млн теңге мемлекеттік қаржы кеткен. Нашар көрсеткіш. Ал бір голға 48 млн теңге жұмсалған. Әлдеқайда жақсы нәтиже. 

Неге? Өйткені клуб 25 гол соққанымен, 58 гол жіберген — бұл лигадағы ең нашар көрсеткіш. Сөйтіп 16 ұпаймен соңғы орын алды. 

Команда шабуылда салыстырмалы түрде тиімді болғанымен, футбол жүйесі  өте тиімсіз болғаны көрсетуі мүмкін. Демек, экономикалық рейтинг бір ғана көрсеткішпен шектелмеуі керек.

Енді басқа сұрақ туындайды. Мемлекет кәсіпқой футболды тек турнир кестесіндегі орын үшін қаржыландыра ма? Әрине, жоқ.

Футбол — ойын-сауық индустриясы. Демек, аудитория да output болып саналады. Меніңше, Қазақстан кәсіпқой футболын бағалау жүйесіндегі негізгі проблема дәл осы жерде жатыр.

Біз кім чемпион болғанын, кім көп гол соққанын, бюджеттен қай клуб қанша алғанын білеміз. Бірақ клубқа кәсіпорын ретінде қарайтын болсақ, нақты не өндіргенін көре алмаймыз. Капитал маңызды. Оны төртке бөліп қарастыру қажет: 

Тек осыдан кейін ғана тиімділікті есептеуге болады.

AmanVIBE мәліметінше қызылордалық клубтың басшылығы 57 жастағы маманмен байланысып, команданың бас бапкері қызметін ұсынған.

Бірақ Талғат Байсуфинов келіссөзді жалғастырудан бас тартқан. Бапкер қазір кәсіби қызметіне қайта оралу мүмкіндігін қарастырмайтынын жеткізген.

Тәжірибелі маман маусым айының соңында Қазақстан құрамасының бас бапкері қызметінен кетті. Содан бері ешбір команданы жаттықтырған жоқ.

Қызылордалық команда Қазақстан Премьер-лигасының 24-турында Көкшетаудың "Оқжетпесінен" 2:3 есебімен жеңілгеннен кейін бапкерсіз қалды. Команда Андрей Ферапонтовтың кеткенін ресми түрде жариялады.

Енді клуб басшылығы команданы маусымның қалған бөлігіне дайындайтын жаңа маман іздеуді жалғастырады.

Қазақстан құрамасы H тобындағы екінші турда Түркиямен кездесіп, қарсыласын 8:1 есебімен тас-талқан етті. Матч барысында қазақстандық футболшылар шабуылда жоғары нәтижелілік танытып, ойын тізгінін толық өз қолында ұстады.

Қазақстан құрамасының сапында:

Ұлттық құрама әлем чемпионатын өте сенімді бастады. Алғашқы турда қазақстандықтар Ирак құрамасын 13:1 есебімен ойсырата жеңді. 

Сөйтіп Қазақстан екі матчта қарсыластарының қақпасына 21 гол соғып, небәрі екі доп жіберді.

2026 жылғы соккадан әлем чемпионатының H тобында Қазақстанмен бірге мына құрамалар өнер көрсетіп жатыр:

Қазақстан футбол федерациясы жекелеген клуб өкілдерінің бәсекелестік артықшылыққа ие болу мақсатында төрешілердің жұмысына заңсыз ықпал етуге тырысқаны туралы ақпарат бар екенін мәлімдеді.

Федерацияның хабарлауынша, мұндай ықтимал әрекеттердің біріне қатысты ішкі тексеру жүргізіліп, бір төрешіні футбол жарыстарында жұмыс істеуден мерзімсіз шеттету туралы шешім қабылданған.

ҚФФ мәліметінше, федерацияда төрешілердің біріне заңсыз ықпал етуге әрекет жасалған болуы мүмкін деген ақпарат бар. Қолда бар деректер мен мән-жайларды қарау нәтижесінде аталған төрешіні футбол жарыстарына қызмет көрсетуден мерзімсіз шеттету туралы шешім қабылданды. Әзірге төрешінің аты-жөні жарияланған жоқ.

Федерация төрешілерге немесе футбол жарыстарына қатысушыларға қысым көрсету, материалдық сыйақы ұсыну және заңсыз ықпал етудің басқа да түрлеріне қатысты ақпараттарды жинау мен талдауды жалғастырып жатқанын хабарлады.

ҚФФ спорттық нәтижелерді манипуляциялауға қатысты кез келген әрекетке нөлдік төзімділік қағидатын ұстанатынын атап өтті. Төрешілерге қысым көрсетуге, ақша ұсынуға немесе беруге, сондай-ақ матч барысына алаңнан тыс араласудың кез келген түріне жол берілмейді. Фактілер расталса, нақты шара қолданылады

Федерацияға келіп түскен барлық ақпарат мұқият тексерілмек. Егер заңсыз ықпал ету немесе матч нәтижесін манипуляциялау фактілері расталса, ҚФФ қолданыстағы регламенттер мен Қазақстан Республикасының заңнамасына сәйкес шара қабылдайтынын мәлімдеді.

Сондай-ақ федерация өз құзыреті шегінде тиісті мемлекеттік органдармен бірлесіп жұмыс жүргізетінін атап өтті.

ҚФФ спорттық жарыстарды манипуляциялаудың аса ауыр түрлері үшін жауапкершілікті күшейту мақсатында Қазақстан заңнамасын жетілдіру бойынша жұмыс жүргізуді жоспарлап отыр.

Федерация жарыстардың адалдығы, төрешілердің тәуелсіздігі және жанкүйерлердің сенімі Қазақстан футболының негізгі қағидаттары болып қала беретінін мәлімдеді.

ҚФФ футбол алаңынан тыс жолмен спорттық нәтижеге ықпал етуге бағытталған кез келген әрекеттің жолын кесуді жалғастыратынын жеткізді.

Қазақстандық дзюдошы Абылайхан Жұбаназар Швейцарияның Лозанна қаласында өткен Grand Slam турниріндегі жеңісінен кейін IJF әлемдік рейтингіндегі орнын айтарлықтай жақсартты.

81 келіге дейінгі салмақта топ жарған қазақстандық спортшы бірден 14 саты жоғары көтеріліп, әлемдік рейтингте сегізінші орынға шықты.

Лозаннадағы Grand Slam турнирінде Абылайхан Жұбаназар алтын медаль жеңіп алды.

Финалда ол Өзбекстан өкілі Арслонбек Тожиевтен басым түсті. Осы нәтиженің арқасында қазақстандық дзюдошының рейтингтік ұпайы 2836-ға жетіп, ол 81 келіге дейінгі салмақта 8-орынға орналасты.

Ал Тожиев те рейтингте айтарлықтай алға жылжыды. Өзбекстандық спортшы 16 саты көтеріліп, 2056 ұпаймен 18-орынға шықты.

Осы салмақ дәрежесінде өнер көрсететін Қазақстанның тағы бір өкілі Әділет Алмат рейтингте бір саты төмендеді.

Ол қазір 81 келіге дейінгі дивизионда 20-орында тұр.

81 келіге дейінгі салмақта IJF әлемдік рейтингінің алғашқы үштігі өзгерген жоқ.

Бірінші орында – ресейлік Тимур Арбузов. Одан кейін канадалық Франсуа Готье-Драпо мен Әзербайжан өкілі Зелим Цкаев орналасқан.

Абылайхан Жұбаназардың Лозаннадағы жеңісі оны әлемнің үздік он дзюдошысының қатарына енгізіп, алдағы ірі халықаралық жарыстар алдындағы позициясын күшейтті.

Қазақстандық жартылай қорғаушы Бауыржан Исламхан мансабын Түркістанның "Тұран" клубында жалғастыруы мүмкін.

AmanVIBE дерегінше, қазір түркістандық клуб тәжірибелі футболшымен келіссөз жүргізіп жатыр. 

"Мендегі ақпарат бойынша, клуб құрамды күшейту жұмыстарын бастап кетті. Атап айтқанда, "Тұран" Бауыржан Исламханмен нақты келіссөз жүргізіп жатыр", – деп жазды дереккөз.

Сондай-ақ Исламханның ҚПЛ маусымының екінші бөлігінде жоғары деңгейде өнер көрсетіп жүргені айтылды.

Түркістандық команда қазір Бірінші лигада өнер көрсетеді. 20 матчтан кейін "Тұран" 41 ұпай жинап, турнир кестесінде үшінші орында тұр.

Дереккөз клубтың маусым қорытындысында ҚПЛ-ге жолдама алу мүмкіндігін жоғары бағалап отыр. Сондықтан команда Премьер-лигаға оралған жағдайда бәсекеге қабілетті құрам жасақтау үшін трансферлік жұмысты қазірден бастаған.

Бауыржан Исламхан 2026 жылғы маусымда "Астана" сапында Қазақстан Премьер-лигасында 21 матч өткізді.

Осы кездесулерде жартылай қорғаушы 2 гол соғып, 9 нәтижелі пас берді.

Құрметов бұл туралы Meta-ratings.kz сайтына берген сұхбатында айтты. Қазақстандық боксшы қазан айында Ташкентте өтеді деп жоспарланған IBA Nomad турнирінде Акпарходжаевпен жұдырықтасқысы келетінін жеткізді.

Әділет Құрметовтің айтуынша, ол Асрор Акпарходжаевпен жекпе-жек өткізуге үлкен қызығушылық танытып отыр. Бұған тәжікстандық боксшының бұған дейін Айдос Жаппарбергеновті нокаутпен жеңуі себеп болған.

"Қазан айында IBA Nomad Ташкентте турнир өткізгісі келетінін естідім. Маған Асрор Акпарходжаевпен жекпе-жек керек. Ол өткен жолы Айдосты нокаутпен жеңді. Жерлесіміздің есесін қайтарғым келеді. ММА қолғаптарымен де жекпе-жек өткізуге қуана келісемін. Егер лига ұсыныс жасаса, дайынмын", — деді Құрметов.

Айта кетейік, биыл мамыр айында Әділет Құрметов One Round нокаут-шоуында жеңімпаз атанды. Ол жеңіл салмақтағы турнир барысында үш қарсыласын да мерзімінен бұрын жеңіп, RCC HARD жалаң жұдырық лигасымен келісімшартқа отырған.

Қазақстандық боксшының жаңа форматтағы дебюті 12 қыркүйекте Челябіде өтеді. Оның алғашқы қарсыласы ресейлік Даниил Школин.

Алматылық "Қайраттың" U-17 жасөспірімдер командасы Бейжіңде өткен Great Wall International Youth Football Invitational халықаралық турнирін үшінші орынмен аяқтады.

Қола жүлде үшін өткен шешуші кездесуде қазақстандық команда Бейжіңнің U-16 құрамасын 2:0 есебімен жеңді.

Алматылық жасөспірімдер турнирдің топтық кезеңін сенімді өткізді. "Қайрат" U-17 үш кездесудің үшеуінде де жеңіске жетіп, жартылай финалға жолдама алды.

Жартылай финалда қазақстандық команданың қарсыласы мадридтік "Реалдың" академиясы болды.

Осы кездесуден кейін "Қайрат" үшінші орын үшін матчта Бейжің U-16 командасымен кездесті.

Great Wall International Youth Football Invitational турниріне бірнеше беделді клубтың жасөспірімдер академиялары қатысты.

Олардың қатарында "Реал", "Андерлехт", "Аустрия Вена", "Аугсбург", ПСВ және "Вулверхэмптон" бар. Сондай-ақ жарысқа Қытайдың жасөспірімдер командалары қатысты.

Теннис шебері U13 жас санатындағы жарыста үздік нәтиже көрсетті. Жарыс барысында Жәния Бекмұхамбетова бірнеше қарсыласын қатарынан жеңді.

Ол словениялық Эма Калужаны, үндістандық Каавья Саринді, сингапурлық Линь Цзяцзюньді, сондай-ақ хорватиялық Стелла Пресецки, Ника Грегурец және Петра Липовшчакты 3:0 есебімен ұтты.

Финалда үстел теннисшісі сингапурлық Хуан Кристалды кездестірді. Шешуші матчта қазақстандық қарсыласынан 3:1 есебімен басым түсіп, турнирдің алтын жүлдесіне ие болды.

Осылайша, Жәния Бекмұхамбетова WTT Youth Contender сериясындағы кезекті халықаралық жетістігіне қол жеткізді. Бұған дейін қазақстандық үстел теннисшісі Хорватияда өткен турнирде күміс медаль жеңіп алған болатын.

Әлемдік рейтингте 16-орында тұрған қазақстандық теннисші US Open турнирінің бірінші айналымында америкалық Джеффри Джон Вульфпен кездесіп, 6:4, 6:2, 3:6, 6:1 есебімен басым түсті. Кездесу 2 сағат 15 минутқа созылды.

Бубликтің келесі қарсыласы аргентиналық Тьяго Агустин Тиранте (ATP №42) мен француз Адриан Маннарино (ATP №67) арасындағы матчтан кейін анықталады.

Биыл ашық чемпионаттың жекелей сындағы жеңімпазы 5,5 миллион доллар және 2000 рейтингтік ұпай иеленеді.

UFC-дің жеңіл салмақтағы чемпионы Джастин Гейджи 2026 жылдың соңына дейін октагонға оралмайтынын мәлімдеді. Америкалық файтер мұндай шешімді қолы мен тізесіндегі жарақаттардан толық айығу үшін қабылдағанын айтты.

Гейджидің сөзінше, соңғы жекпе-жектерінен кейін ағзасына толық демалыс қажет.

"Үйге барып, шамамен үш апта бойы жай ғана тынығып, қалпыма келуге мүмкіндік туды. Қазірге дейін ештеңені ұра алмаймын, жекпе-жектен кейін екі қолым да ауырып жүр. Сондықтан жыл соңына дейін чемпион мәртебесінен ләззат алып, демалғым келеді", – деді ол Sports Illustrated басылымына.

Америкалық спортшы биылғы жылдың алғашқы алты айында екі кездесу өткізгенін де атап өтті.

Енді Гейджи алдағы жоспарын асықпай сараламақ.

"Барлығын қағазға жазып, артықшылықтары мен кемшіліктерін өлшеймін. Отбасыммен және сенетін адамдарыммен ақылдасамын. Содан кейін шешім қабылдаймын", – деді чемпион.

Айта кетейік, Джастин Гейджи биыл маусым айында Вашингтонда өткен UFC Freedom 250 турнирінде жеңіл салмақтағы толыққанды чемпиондық атаққа ие болды.

Ақ үй аумағында ұйымдастырылған тарихи кеште ол Илия Топуриямен кездесіп, қарсыласын төртінші раундта техникалық нокаутпен жеңді.

Бұл нәтиже Топурияның кәсіпқой мансабындағы алғашқы жеңілісі болды.

Қазақстандық файтер Ыстамбұлда өткен бразилиялық джиу-джитсу және грэпплинг бойынша ACBJJ 22 турнирінде өнер көрсетті.

Асу Алмабаев 60 келіге дейінгі салмақта тәжікстандық Халим Назрулоевпен кездесті. Бұған дейін қарсыласы 13 жекпе-жектің барлығында жеңіске жеткен.

All-Stars Title Match мәртебесіндегі кездесу No-Gi ережесі бойынша, яғни кимоносыз күрес форматында өтті. Белдесу қорытындысында төрешілер бірауыздан қазақстандық спортшының жеңісін тіркеді. Осылайша, Асу Алмабаев жаңа спорттық бағыттағы жарыста чемпиондық титулға ие болды.

Асу Алмабаев бұған дейін RAF 12 еркін күрес турнирінде де өнер көрсеткен. Қазақстандық файтер америкалық Джонни ДиДжулиуспен белдесуде бір жарым минуттан кейін қарсыласқа есе жіберді.

Ал Алмабаевтың ММА-дағы соңғы ресми жекпе-жегі маусым айында өтті. Ол америкалық Чарльз Джонсонды үшінші раундта сабмишн әдісімен жеңді. Асу Алмабаевтың кәсіби ММА рекорды 24 жеңіс және 3 жеңіліс.

Шомуродов Түркия Суперлигасының үшінші турындағы матчта 18-минутта есеп ашты. Өзбекстандық шабуылшы Умут Бозоктың пасын сәтті пайдаланып, "Башакшехирды" алға шығарды.

Бұл – 31 жастағы футболшының 2026/27 жылғы Түркия чемпионатындағы қатарынан үшінші нәтижелі ойыны.

Шомуродов жаңа маусымдағы Суперлига ойындарының барлығында гол соғып келеді:

Осылайша Өзбекстан құрамасының көшбасшысы "Башакшехир" жейдесінде Түркия Суперлигасының үш кездесуінде үш гол жинады.

Орта салмақтағы уақытша чемпион атағы сарапқа салынған кездесуде Медғат Жақыпбек (4-2) ресейлік Владислав Фокинмен (7-2) октагонға шықты.

Үш раундқа жоспарланған жекпе-жек толық уақытқа созылды. Тартысты бәсекенің қорытындысында төрешілердің бөлек шешімімен қазақстандық файтер жеңімпаз деп танылды.

Осылайша Медғат Жақыпбек кәсіби мансабындағы бесінші жеңісіне жетіп, Open FC лигасының орта салмақтағы жаңа уақытша чемпионы атанды. Енді оның рекорды – 5 жеңіс және 2 жеңіліс.

Ал Владислав Фокин үшін бұл кәсіби мансабындағы үшінші жеңіліс болды. Ресейліктің көрсеткіші 7-3-ке өзгерді.

Айта кетейік, Жақыпбек бұл чемпиондық жекпе-жекке өте қысқа мерзім ішінде келісім берген. Соған қарамастан қарсыласының отанында жеңіске жетіп, белбеуді Қазақстанға алып қайтты.

Командалар тең дәрежеде ойын көрсеткенімен, бірінші таймда "Астана" өз мүмкіндіктерін тиімді пайдаланды. Есепті айып алаңының шебінен дәл соққы жасаған Бауыржан Исламхан ашты.

Артынша Иван Башич алыстан соққы жасап, доп Егор Хаткевич қорғаған қақпаның бағанасына тиді. Үзіліске дейін Станислав Басманов елордалықтардың басымдығын екі голға жеткізді. Бұл шабуылда Исламхан нәтижелі пас берді.

Екінші таймның басында Джордже Пантелич есеп айырмасын қысқартып, алаң иелеріне үміт сыйлады. Дегенмен көп ұзамай Марин Томасов "Астананың" үшінші голын соқты. Бұл жолы да нәтижелі пастың авторы Бауыржан Исламхан болды.

Кездесудің соңғы голын "мұнайшылар" сапында Энрике Девенс соқты.

Матчтың басты қаһарманы Бауыржан Исламхан болды. Қазақстандық жартылай қорғаушы бір гол соғып, екі нәтижелі пас берді. Осылайша елордалықтардың барлық нәтижелі шабуылына тікелей қатысты.

Бұл жеңістен кейін "Астана" 42 ұпай жинады. Елордалық клуб ҚПЛ турнирлік кестесінде үшінші орында келеді.

Ал 20 ұпай жинаған "Атырау" чемпионат кестесінің төменгі бөлігінде қалып отыр.

Александр Лысяк жаттықтыратын Қазақстан құрамасы Алматыдағы іріктеу турнирінің үшінші матчында Қырғызстан баскетболшыларымен кездесті.

Паркет қожайындары ойынның алғашқы минуттарынан-ақ бастаманы өз қолына алып, қарсыласына есепті қысқартуға мүмкіндік бермеді. Нәтижесінде қазақстандықтар 21 ұпай айырмасымен — 88:67 есебімен жеңіске жетті.

Қазақстан құрамасы екінші турда Палестинаға күтпеген жерден 67:80 есебімен есе жіберген еді. Сондықтан Қырғызстанға қарсы матчта командаға өз жанкүйерлері алдында жеңіске жетіп, турнирлік жағдайын жақсарту маңызды болды.

Ұлттық құрама Алматыдағы турнирдің алғашқы кездесуінде Мальдив аралдары командасын 114:43 есебімен ойсырата жеңген.

Осылайша Қазақстан үш матчтың екеуінде жеңіске жетіп, келесі кезеңге шығу мүмкіндігін сақтап қалды.

Алматыда баскетболдан 2029 жылғы Азия кубогының бірінші іріктеу кезеңіндегі матчтар 31 тамызға дейін жалғасады.

Жарыс ережесіне сәйкес топтағы үздік үш құрама қараша айының соңына жоспарланған екінші іріктеу кезеңіне жолдама алады.

Қазақстанның бірінші ракеткасы былтырғы АҚШ ашық чемпионатында жинаған небәрі 230 ұпайын қорғауы керек. Осы есеп бойынша Рыбакина 7911 ұпаймен live-рейтингтің көшін бастады.

Турдың қазіргі ресми лидері Арина Соболенко екінші орынға түсті. Беларусь теннисшісі US Open додасының қазіргі чемпионы болғандықтан биыл 1990 рейтингтік ұпайын қорғауы қажет. Оның live-рейтингтегі көрсеткіші — 6585 ұпай.

Үздік үштікті америкалық Джессика Пегула түйіндеп тұр. Оның еншісінде 6495 ұпай бар, ал турнир барысында 770 ұпайын қорғауы керек.

Live-рейтинг турнир нәтижелеріне байланысты күн сайын өзгеретінін және ресми рейтингтен бөлек есептелетінін атап өткен жөн.

Елена Рыбакина АҚШ ашық чемпионатының бірінші айналымында 17 жастағы америкалық Тея Фродинмен кездеседі. Жас теннисші WTA рейтингінде 580-орында тұр.

78 келіден жоғары салмақ дәрежесінде сынға түскен Аида Тойшыбекова жарыстың алғашқы екі айналымынан сәтті өтті. Әуелі анголалық Фернанда Куимбираны жеңсе, одан кейін өзбекстандық Умида Нигматовадан басым түсті.

Үшінші белдесуде Франция құрамасының өкілі Романа Дикомен кездесті. Бұл тартыста францияляқ дзюдошы жеңіске жетіп, қазақстандықты жұбаныш кезеңіне жіберді.

Аида қола жүлде үшін күресті жалғастыру мақсатында венесуэлалық Карен Леонмен белдесті. Дегенмен бұл кездесуде қарсыласына жол беріп, Лозаннадағы Grand Slam турнирін медальсіз аяқтады.

Осылайша жарыстың қорытынды күнінде Қазақстан құрамасының бірде-бір дзюдошысы жүлделі орынға көтеріле алмады.

Айта кетейік, Аида Тойшыбекова бұған дейін самбодан жастар арасындағы әлем чемпионатында алтын медаль жеңіп алған.

Кездесудің алғашқы бөлігінде қонақтар допқа көбірек иелік етті. "Ақтөбенің" шабуылшысы Артур Шушеначев мүмкіндігін сәтті пайдаланып, командасын алға шығарды.

Үзіліске дейін павлодарлықтар жауапты гол соға алмады.

Екінші таймда алаң иелері шабуылдарын күшейтіп, матчтың барысын өзгерте алды. Алдымен Леонардо Калил Абдала таразы басын теңестірсе, арада төрт минут өткенде Рамазан Каримов жеңіс голын соқты.

Осылайша "Ертіс" 0:1 есебімен жеңіліп жатқан ойында камбэк жасап, маңызды үш ұпайға иелік етті. 

Бұл жеңістен кейін павлодарлық клубтың еншісінде 20 ұпай болды. "Ертіс" турнир кестесіндегі төменгі орындардан көтеріліп, Премьер-лигадан түсіп қалу аймағынан шықты.

Ал 35 ұпайы бар "Ақтөбе" ҚПЛ кестесінде бесінші орында қалды.

Нәтижелі өткен кездесудің негізгі уақыты 5:5 есебімен аяқталды. "Барыс" сапынан Дінмұхамед Қайыржан 3-минутта есеп ашса, 17-минутта Семен Симонов мергендік танытты.

Үшінші кезеңге дейін Әлихан Өмірбеков екі шайба соғып, дубль авторы атанды. Ол 36 және 57-минуттарда қарсылас қақпасын дәл көздеді. Сонымен қатар 37-минутта Джастин Бэйли гол соқты.

"Адмирал" құрамында Иван Муранов екі рет ерекшеленді. Сонымен қатар Дмитрий Завгородний, Александр Волков және Энтони Камара бір-бір шайбадан енгізді.

Жеңімпаз овертаймда анықталды. Қосымша уақыттың 61-минутында Чейз Приски шешуші шайбаны соғып, "Барысқа" 6:5 есебімен жеңіс сыйлады.

Сөйтіп астаналық команда Николай Пучков атындағы турнирде алғаш рет жеңіске жетті. Бұған дейін "Барыс" жергілікті СКА клубына буллит сериясында 1:2 есебімен, ал СКА-ВМФ командасына да 1:2 нәтижесімен есе жіберген.

Боксшылар Александр Усик маусым айында босатқан Халықаралық бокс федерациясының чемпиондық белбеуін сарапқа салды. 90,7 келіден жоғары салмақтағы айқас 12 раундқа жоспарланды. 

Екінші раундта Итаума қарсыласын нокдаунға жіберіп, маңызды басымдыққа ие болды. Бірақ Хргович ауыр соққыдан кейін жекпе-жекті жалғастырып қана қоймай, біртіндеп кездесудің тізгінін өз қолына алды.

Жекпе-жектің тоғызыншы бөлігінде хорватиялық боксшы шабуылын үдетті. Итаума белсенді қарсылық көрсете алмай, қорғанысқа көшкеннен кейін төреші Хрговичтің техникалық нокаутпен жеңгенін жариялады.

Осы сәтте британиялық боксшының бұрышы да ақ сүлгіні лақтырып, айқасты жалғастырудан бас тартатынын білдірді.

34 жастағы Филип Хргович қатарынан төртінші кездесуінде жеңіске жетті. Оның кәсіпқой бокстағы көрсеткіші 21 жеңіске жетті. Соның 16-сын нокаутпен аяқтаған.

Хргович мансабында бір рет жеңілген. Британиялық Даниэль Дюбуаға мерзімінен бұрын есе жіберген. 

Ал 21 жастағы Мозес Итаума кәсіпқой мансабында алғаш рет жеңілістің кермек дәмін татты. Британиялық боксшының еншісінде 14 жеңіс қалды, оның 12-сі мерзімінен бұрын тіркелген.

78 келіден жоғары салмақ дәрежесінде сынға түскен Аида Тойшыбекова жарысты сәтті бастады. Алғашқы белдесуінде анголалық Фернанда Куимбирадан басым түсті. Ал келесі айналымда өзбекстандық дзюдошы Умида Нигматованы жеңіп, ширек финалға өтті.

Тойшыбекова үшінші белдесуінде Франция құрамасының танымал өкілі Романа Дикомен кездесті. Тартысты жекпе-жек франциялық дзюдошының жеңісімен аяқталды. Соған қарамастан қазақстандық арудың Лозаннадағы Grand Slam турнирінен жүлде алу мүмкіндігі сақталды.

Аида Тойшыбекова жұбаныш белдесуінде венесуэлалық Карен Леонмен күш сынасады. Бұл кездесудегі жеңіс қазақстандық дзюдошыға қола жүлде үшін өтетін шешуші белдесуге жол ашады.

Айта кетейік, Аида Тойшыбекова бұған дейін самбодан жастар арасындағы әлем чемпионатында алтын медаль иеленген.

Бақыт Сәрсекбаев Қырғызстандағы оқу-жаттығу жиыны кезінде аты аңызға айналған боксшы Орзубек Назаровпен кездескен. Олимпиада чемпионы Instagram парақшасына екеуінің бірге түскен фотосын жүктеді.

"Ыстықкөлде кімді кездестіріп қалғанымды қараңыз!" - деп жазды Бақыт Сәрсекбаев.

Орзубек Назаров — Орталық Азияда ең танымал әрі титулды боксшылардың бірі. Кәсіпқой рингте WBA тұжырымы бойынша жеңіл салмақта әлем чемпионы атанып, 1993–1998 жылдар аралығында чемпиондық белбеуін алты рет сәтті қорғаған.

Әуесқой бокстағы басты жетістіктері:

Назаров кәсіпқой мансабында 27 жекпе-жек өткізіп, 26 рет жеңіске жеткен. Оның 19-ын нокаутпен аяқтап, бір ғана кездесуде жеңілген. Үлкен спорттан кеткеннен кейін Қырғызстан парламентінің депутаты болып, Бішкекте өзінің бокс мектебін ашты.

Қазір Бақыт Сәрсекбаев жетекшілік ететін Қазақстанның U-19 жастар құрамасы Ыстықкөлдегі базада Қырғызстанның ересектер құрамасымен бірлескен оқу-жаттығу жиынын өткізіп жатыр. Бұл дайындық жас қазақстандық боксшыларға тәжірибелі қарсыластармен шеберлігін шыңдауға мүмкіндік береді.

УЕФА 2026/27 маусымындағы Конференция лигасының жалпы кезеңінде өнер көрсететін алматылық "Қайраттың" матчтар кестесін жариялады.

Рафаэль Оразбахтин шәкірттері турнирді Латвияда бастап, жалпы кезеңдегі соңғы ойынын Нидерландыда өткізеді.

Алматылық клуб Конференция лигасындағы жорығын 15 қазанда бастайды. Бірінші турда "Қайрат" сырт алаңда латвиялық "Ригамен" кездеседі. Одан кейін Алматыда Грекияның "Панатинаикосы" қонақ болады.

Үшінші турда қазақстандық команда Италияға барып, "Аталантамен" күш сынасады.

Алматылық клуб еурокубоктағы жорығын жалғастырады

"Қайрат" еурокубок маусымын Чемпиондар лигасының іріктеу кезеңінен бастаған болатын. Алматылықтар турнирдің үшінші раундына дейін жетіп, кейін Еуропа лигасының іріктеуіне ауысты.

Еуропа лигасында қазақстандық клуб "Андерлехтпен" кездесіп, екі матчтың қорытындысы бойынша қарсыласына жол берді.

"Интер Майами" MLS тұрақты чемпионатының кезекті турында канадалық "Монреальды" өз алаңында 7:1 есебімен ойсырата жеңді.

Кездесудің басты қаһарманы Лионель Месси болды. Аргентиналық шабуылшы төрт гол соғып, покер жасады және бір нәтижелі пас берді.

Месси қарсылас қақпасын 40, 52, 83 және 90+6-минуттарда дәл көздеді. Осылайша аргентиналық футболшы матчты төрт гол және бір нәтижелі паспен аяқтап, команданың жеті голының бесеуіне тікелей қатысты.

"Интер Майамидің" қалған голдарын Каземиро, Луис Суарес және Александр Шоу соқты.

"Монреаль" сапындағы жалғыз голдың авторы – Фабиан Герберс.

Бұл нәтиже Майами клубына MLS-тегі төрт матчқа созылған жеңіссіз сериясын үзуге мүмкіндік берді.

"Интер Майами" 42 ұпай жинап, Шығыс конференциясында екінші орында келеді.

Көш басындағы "Нэшвиллдің" еншісінде 52 ұпай бар. Ал "Монреаль" 21 ұпаймен конференцияның 14-сатысында орналасқан.

Чемпионшип лигасындағы үшінші турда "Бернли" сырт алаңда "Норвичтен" 4:1 есебімен жеңілді. Дастан Сәтпаев бұл кездесуде алғаш рет чемпионат матчында негізгі құрамда алаңға шығып, ойынның соңына дейін өнер көрсетті.

Flashscore порталы Сәтпаевтың ойынына 7,6 балл қойды. Бұл – "Бернли" құрамындағы ең жоғары көрсеткіш.

Матчтан кейін "Бернли" бас бапкері Ники Хайен қазақстандық футболшының алаңдағы әрекетін ерекше атап өтті.

"Бүгін Дастанды да көрдіңіздер, 18 жастағы жігіт алаңдағы ең үздік ойыншы болды. Басқа футболшылар да өздеріне қарап, бірқатар сұрақ қоюы керек. Егер Дастанның командаға қандай энергия әкелгенін, қалай күрескенін көрген болсаңыздар, дәл осындай ойынды барлық футболшы көрсетуі керек. Бірақ бұл процесс, біз біртіндеп қажетті нәтижеге қол жеткіземіз. Мен үшін де бұл қиын жағдай. Маусымның дәл осылай басталатынын күтпедім. Дегенмен жағдайды өзгерту үшін бар күшімізді салатынымызға кепілдік бере аламын", — деді Хайен.

"Бернли" осы кездесулерден кейін 1 баллмен турнир кестесінің төменгі бөлігінде орналасып отыр.

Қазақстанның бірінші ракеткасы Елена Рыбакина US Open-2026 турнирінің басталуына санаулы уақыт қалғанда әлеуметтік желіде жанкүйерлеріне үндеу жасады.

WTA рейтингінде екінші орында тұрған қазақстандық теннисші Нью-Йорктегі Артур Эш орталық кортында америкалық Коко Гауффпен бірге ашық жаттығу өткізді.

Қос теннисші бірлескен жаттығу барысында бір сет өткізді. Жаттығу матчы 6:1 есебімен Коко Гауффтың пайдасына аяқталды.

Рыбакина осы сәттен кейін әлеуметтік желідегі парақшасында қысқа жазба жариялады.

"Сәлем, Флашинг-Медоус", – деп жазды қазақстандық спортшы.

Флашинг-Медоус – Нью-Йорктің Куинс ауданында орналасқан әйгілі саябақ. Дәл осы жерде Билли Джин Кинг атындағы Ұлттық теннис орталығы орналасқан. Жыл сайын US Open турнирінің негізгі матчтары осы кешеннің корттарында өтеді.

Айта кетейік, US Open-2026 турнирінің негізгі кезеңі жексенбі күні басталады. Елена Рыбакина жекелей сындағы алғашқы кездесуін 1 қыркүйекте өткізеді. Оның қарсыласы – америкалық Теа Фродин. Қазіргі уақытта Фродин WTA рейтингінде 580-орында тұр.

H тобының бірінші турында Қазақстан құрамасы Иракпен кездесіп, 13:1 есебімен басым түсті.

Матчтың басты қаһарманы Азамат Сейфуллин болды. Ол қарсылас қақпасына төрт гол соқты. Анарбек Мелісбек пен Ержан Жарлығағанов екі реттен мергендік танытты.

Қазақстан сапындағы өзге голдарды Ғалым Райханов, Төрехан Досов, Александр Сергейчук, Диас Егінжанов және Олжас Тайбасаров соқты.

Қазақстан құрамасы әлем чемпионатына әлемдік рейтингтің бірінші нөмірі әрі Еуропаның қазіргі вице-чемпионы мәртебесінде келді. Иракқа қарсы нәтижелі ойын ұлттық команданың турнирдегі басты фавориттердің бірі екенін тағы бір мәрте көрсетті.

Қазақстан құрамасы топтық кезеңдегі екінші матчын 30 тамызда Түркияға қарсы өткізеді.

H тобында Қазақстан, Ирак, Түркия, Бельгия және Гаити құрамалары өнер көрсетіп жатыр. Топтағы тағы бір кездесуде Түркия мен Бельгия 2:2 есебімен тең түсті.

Ерлер арасындағы 60 келіге дейінгі бәсекеде Қызылорда облысының өкілі Нұрдәулет Мейрамбеков үздік шығып, Қазақстан чемпионы атанды. Абай облысынан келген Мәди Серіков күміс медаль иеленді.

Қола жүлделер Қызылорда облысының тағы бір өкілі Мағжан Шамшадин мен Шымкент қаласының намысын қорғаған Ділшод Мыртұрсынға бұйырды.

66 келіге дейінгі салмақта Ердәулет Бозжа алтын медаль жеңіп алды. Күміс жүлдені Батыс Қазақстан облысынан келген Нұрсұлтан Зайзағалиев иеленді.

Ақтөбелік Данияр Қалмағамбетов пен Абай облысының өкілі Есентай Имаханов қола жүлдегер атанды.

48 келіге дейінгі салмақ дәрежесінде алматылық Ғалия Тынбаева Қазақстан чемпионы атанды. Ақтөбе облысының дзюдошысы Иянат Жұбатқан екінші орын алды. Түркістан облысынан келген Ұлболсын Әбдікәрімова мен маңғыстаулық Аяулым Түрдіке қола медаль иеленді.

52 келіге дейінгі бәсекеде Алматы облысының өкілі Аружан Ережепова жеңіске жетті. Маңғыстаулық Меруерт Сәрсенова күміс жүлдегер атанса, Нұрбала Зайнұл (Түркістан облысы) мен Айшабибі Мұрадимова (Батыс Қазақстан облысы) үшінші орыннан көрінді.

Қазақстан чемпионаты 1 қыркүйекке дейін жалғасады. Елдің 20 өңірінен келген 600-ге жуық дзюдошы 14 салмақ дәрежесі бойынша жүлделерді сарапқа салып жатыр.

"Ордабасы" тоғызыншы минутта есеп ашты. Айып алаңына бағытталған пастан кейін Лео Натель допты қақпаға дәл түсірді. "Қызылжар" үзіліске дейін таразы басын теңестіруге тырысқанымен, шымкенттіктер қорғаныста қателескен жоқ.

Екінші таймда Давид Абагна қақпашымен жеке шығып, мүмкіндігін сәтті пайдаланды. Кездесудің қорытынды есебін Эвертон белгіледі.

Осы жеңістен кейін "Ордабасы" 55 ұпай жинап, ҚПЛ кестесінде жеке-дара көш бастады. Шымкенттік клуб екінші орында келе жатқан "Қайраттан" жеті ұпайға алда. Дегенмен алматылықтардың екі ойыны бар.

Ал 23 ұпайы бар "Қызылжар" турнир кестесінің орта тұсында орналасқан.

Абылайхан Жұбаназар 81 келіге дейінгі салмақ дәрежесінің финалында өзбекстандық Арслонбек Тожиевпен кездесті.

Тартысты белдесудің нәтижесін қазақ дзюдошының "юко" ұпайына бағаланған әдісі шешті. Жұбаназар осы басымдығын соңына дейін сақтап, жеңіске жетті.

Бұл – Қызылорда облысының өкілі Абылайхан Жұбаназардың мансабындағы Grand Slam санатындағы алғашқы алтын медалі.

Дзюдошы Лозанна татамиінде барлық қарсыласынан басым түсті:

Осылайша,Абылайхан Жұбаназар Лозаннадағы беделді додада алты қарсыласын жеңіп, Қазақстан құрамасына турнирдегі алғашқы алтын жүлдені сыйлады.

Чемпионшиптің үшінші турындағы кездесу Норидж қаласындағы "Карроу Роуд" стадионында өтті. Алаң иелері ойынның алғашқы минуттарынан-ақ басымдықты қолға алды.

Екінші минутта "Норвич" шабуылшысы Мохаммед Туре есеп ашса, арада үш минут өткенде Андре Брукс екінші гол соқты. 21-минутта Туре дубль жасап, есепті 3:0-ге жеткізді.

"Бернлидің" жартылай қорғаушысы Джош Лорент 27-минутта бір голмен жауап берді. Дегенмен 67-минутта Брукс те өзінің екінші добын соғып, матчтың соңғы есебін белгіледі – 4:1.

77-минутта Джош Лорент екінші сары қағазын алып, алаңнан қуылды.

Дастан Сәтпаев матчты алғашқы минуттан бастады, дегенмен гол соғып немесе нәтижелі пас беріп көзге түсе алмады. Бұл – қазақстандық футболшының Чемпионшип аясындағы кездесуде алғаш рет негізгі құрамда алаңға шығуы.

Үш турдан кейін "Бернлидің" еншісінде бір ұпай бар. Команда Чемпионшип кестесінде 21-орында тұр. Үш ұпай жинаған "Норвич" 15-сатыға көтерілді.

Қазақстандық боксшылар 17 және 19 жасқа дейінгі екі жас санатында өнер көрсетті. Ұлттық құрама қоржынына жалпы саны 14 медаль түсті.

U-17 санатында төрт отандасымыз чемпион атанды:

19 жасқа дейінгі боксшылар арасындағы жарыста Қазақстан өкілдері алты салмақ дәрежесінде жеңіс тұғырының ең биік сатысына көтерілді:

Ақнұр Тұрсынғали 60 келіде, ал Айдана Ұбайдуллақызы 80 келі салмақта турнирдің күміс жүлдегері атанды.

Марал Төлепберген 54 келіде және Рамина Маханова 57 келі салмақта қола медаль иеленді.

Silesian Open-2026 халықаралық додасына әлемнің 18 елінен 200 боксшы қатысты.

Матчтың алғашқы минуттарынан "Жеңіс" жоғары қарқынмен ойнап, қарсылас алаңында қысым ұйымдастырды. Дегенмен бірінші таймда "Алтай" қақпашысы Данило Кучер бірнеше қауіпті соққыны қайтарып, есептің ашылуына мүмкіндік бермеді.

Үзілістен кейін алаң иелері шабуылын жалғастырды. Кездесудің тағдырын Андрия Филипович шешті. Ол айып алаңының ішінен дәл соққы жасап, елордалықтарға маңызды үш ұпай сыйлады.

Осы жеңістен кейін "Жеңіс" 29 ұпай жинады. Астаналық клубы ҚПЛ турнир кестесінде сегізінші орынға көтерілді.

19 ұпайы бар "Алтай" чемпионат аутсайдерлерінің қатарында қалып отыр.

Sportbugin.kz порталының мәліметі бойынша Айти мен Нагояда өтетін құрлықтық додада 70 келі салмақта Қазақстан намысын Төрехан Сабырхан қорғауы ықтимал.

Бұған дейін отандық спорт басылымдарында Азиадаға Төрехан Сабырхан немесе Абылайхан Жүсіповтың қайсысы баратыны қызу талқыланған. Соңғы ақпаратқа сәйкес, бапкерлер құрамы Сабырханның кандидатурасына тоқтаған.

Дегенмен Қазақстан құрамасының Азия ойындарына арналған ресми тізімі жарияланғаннан кейін ғана бұл шешім түпкілікті расталады.

XX жазғы Азия ойындары 2026 жылдың 19 қыркүйегі мен 4 қазаны аралығында Жапонияның Айти префектурасы мен Нагоя қаласында ұйымдастырылады.

Бокс бәсекелері Айти префектурасындағы Нисио қаласында өтеді. Жарыс кестесі төмендегідей:

Жеңіл салмақтағы кездесу бес раундқа жоспарланды. Бірақ Сонг Ядонг айқасты төрешілер шешіміне дейін жеткізген жоқ. Қытайлық файтер екінші раундта Нурмагомедовты нокаутқа түсіріп, жанкүйерлер күтпеген сенсациялық жеңіске жетті. 

Бұл нәтиже турнирдің басты тосын оқиғаларының біріне айналды. Себебі кездесу алдында Умар Нурмагомедов UFC рейтингінде үшінші орында тұрса, Ядонг алтыншы сатыда орналасқан еді.

Шанхайдағы жеңістен кейін Сонг Ядонгтың кәсіби ММА-дағы көрсеткіші 24 жеңіс, 9 жеңіліс және 1 тең нәтижеге жетті.

Ал бұған дейін 20 жеңісі мен бір ғана жеңілісі болған Умар Нурмагомедов кәсіпқой мансабында екінші рет қарсыласына жол берді. Оның ендігі рекорды — 20-2.

Қазақстан ұлттық чемпионатының 24-турының сенбілік бағдарламасындағы орталық кездесуде ҚПЛ картасындағы ең оңтүстік және ең солтүстік клубтар өзара сынға түседі.

Olimpbet сарапшылары "Ордабасыны" "Қызылжарға" қарсы матчтың айқын фавориті деп есептейді. Олардың пікірінше, петропавлдықтардың кем дегенде тең нәтижеге қол жеткізуінен гөрі, шымкенттіктердің екі доп айырмасымен жеңіске жету ықтималдығы жоғары.

"Орда" – Премьер-лиганың жеке дара көшбасшысы және чемпиондық атаққа басты үміткер.

Солтүстік команда "Каспиймен" бірге турнир кестесінің тоғызыншы және оныншы орындарын бөлісіп тұр. Олар оңтүстік командадан 19 ұпайға қалып келеді.

Шымкенттік клуб – чемпионаттағы ең нәтижелі команда. Оның еншісінде қазірдің өзінде 43 гол бар. Ал петропавлдықтарға гол соғу қиындау болып жүр – 24 доп.

Ал солтүстік команда оңтүстік клубқа қарағанда тура екі есе көп гол жіберген – 32 және 16. Осылайша, "Ордабасының" доп айырмасы оң көрсеткіште (+27), ал "Қызылжарда" теріс көрсеткіш (-8).

Қос команда өзара 48 кездесу өткізген. Жалпы статистикада оңтүстік клуб аз ғана басымдыққа ие: 20 жеңіс, 18 жеңіліс және 10 тең нәтиже.

"Орда" биылғы чемпионаттың бірінші айналымында, 25 сәуірде Петропавлда өткен матчта солтүстік команданы жеңген. Ал бұған дейін ҚПЛ аясында Шымкентте өткен "Ордабасы" мен "Қызылжар" арасындағы екі кездесу де тең аяқталған.

Алайда қазір Olimpbet сарапшылары алаң иелерінің сәтті нәтижесіне іс жүзінде күмән келтірмейді. Олардың пікірінше, оңтүстік команданың жеңіске жету мүмкіндігі солтүстік клубпен салыстырғанда төрт еседен де жоғары.

Сонымен қатар Қажымұқан Мұңайтпасов атындағы стадионда өтетін матчта гол саны аз болуы ықтимал.

Шымкенттегі ойынмен қатар Қызылордада да матч өтеді. Жергілікті "Қайсар" көкшетаулық "Оқжетпесті" қабылдайды.

Olimpbet сарапшылары бұл кездесуде айқын фаворит көріп отырған жоқ, тек қонақтарға аздап басымдық береді.

Командалар маусым барысында әртүрлі міндетті шешіп жатыр. Қазақстан кубогында сәтті өнер көрсетіп, финалға дейін жеткен "дала қасқырлары" ел чемпионатының жоғары дивизионында қалу үшін күресуде. Қазір "Қайсарды" ҚПЛ-ден түсіп қалу аймағынан небәрі бір ұпай бөліп тұр. Егер олар өз алаңында "көкшетаулықтардан" жеңілсе, қауіпті аймаққа түсіп қалуы әбден мүмкін.

Ал "Оқжетпес" еурокубок жолдамасына, тіпті жүлделі орындарға таласып жатыр. Қызылордадағы кездесуге дейін көкшетаулықтар "қасқырлардан" 16 ұпайға алда келеді.

"Көкшетаулықтар" көбірек гол соққан – 32-ге 18. Бірақ "дала қасқырлары" азырақ гол жіберген – 27-ге 29. Осылайша, "Оқжетпестің" доп айырмасы әлдеқайда жақсы: тиісінше +3 және -9.

Жалпы жеке кездесулер статистикасында "Қайсар" көкшетаулықтардан сәттірек: 25 жеңіс, 16 жеңіліс, тағы 11 матчта жеңімпаз анықталмаған.

Алайда қызылордалықтар "көкшетаулықтарды" үш жылдан астам уақыт бойы жеңе алмай келеді. Осы аралықта олар екі рет жеңіліп, екі рет тең түскен.

Olimpbet сарапшылары бұл матчта екі команда да гол соғады деп болжайды. Сонымен қатар "Қайсар Аренадағы" кездесу де нәтижелілігі төмен матч болуы ықтимал.

Ал олардың пікірінше, кездесудің ең ықтимал нәтижесі – "Оқжетпестің" бір доп айырмасымен жеңіске жетуі.

Хамитов пен Махно арасындағы көптен күткен айқас 30 қазанда Тәжікстан астанасы Душанбеде ұйымдастырылады. Қос файтер жартылай орта салмақ дәрежесінде күш сынасады.

Қазақстандық файтер ACA лигасындағы алғашқы жекпе-жегін 2025 жылдың қазанында Дубайда ACA 194 турнирінде өткізген. Ол ресейлік Анатолий Бойкомен үш раунд бойы айқасып, төрешілердің бірауызды шешімімен жеңіске жетті.

Алексей Махно октагонға соңғы рет 2025 жылдың желтоқсанында Мәскеудегі ACA 197 турнирінде шықты. Ресейлік файтер румыниялық Аурел Пиртеамен кездесіп, үшінші раундта қылқындыру әдісіне түсіп қалды. Нәтижесінде Махно жекпе-жекті жалғастырудан бас тартуға мәжбүр болды.

Қуат Хамитов пен Алексей Махноның айқасын ұйымдастыруға бұған дейін төрт рет әрекет жасалған. Алғашқы кездесу Fight Nights лигасында өтуге тиіс еді.

Кейін файтерлер ACA 194 турнирінде көз арбасу рәсімін өткізіп, жекпе-жекке ауызша келісім берген. Бірақ ACA 197 аясындағы кездесу жүзеге аспады. 2026 жылдың тамызында ACA 206 турнирінде айқастыру жоспары да орындалмады. 

Енді ұзақ уақыт талқыланған жекпе-жек 30 қазандағы ACA 209 кешінде түйінделмек.

Екібастұзда өткен Alash Pride 128 турнирінде қазақстандық Данияр Жүніс пен өзбекстандық Зиед Тохиров арасындағы жекпе-жек ауыр нокаутпен аяқталды.

Жеңіл салмақта өткен кездесу үш раундқа жоспарланғанымен, айқас толық дистанцияға созылған жоқ.

Жекпе-жектің екінші раундында Зиед Тохиров қарсыласына дәл соққы жасап, Данияр Жүністі ауыр нокаутқа түсірді. Қазақстандық файтер кездесуден кейін октагоннан өздігінен шыға алмады.

Жүністің жағдайына байланысты медициналық көмек қажет болды. Октагон маңына жедел жәрдем көлігі келіп, қазақстандық спортшыны дәрігерлер бақылауына алды. Кейін Жүніс жедел жәрдем көлігіне жеткізілді.

Айта кетейік, бұл кездесу Данияр Жүніс пен Зиед Тохиров үшін Alash Pride FC лигасындағы алғашқы жекпе-жек болды.  

Чемпионаттың төртінші турында "Әл-Наср" өз алаңында "Әл-Таавунды" 2:1 есебімен жеңді. Кездесудегі есепті 11-минутта қонақтар сапындағы Бассам Әл-Хурайджи ашты. Бірінші таймның соңында Саму Кошта таразы басын теңестірді.

Екінші таймның 50-минутында Криштиану Роналду алаң иелерін алға шығарды. Португалиялық шабуылшының соққан голы "Әл-Насрға" үш ұпай сыйлады. 

Бұл гол 41 жастағы Криштиану Роналдудың кәсіби мансабындағы 978-ші голы болды. Оның 832 голы клубтық деңгейде, тағы 146-сы Португалия құрамасы сапында соғылған. Футбол аңызы жаңа маусымда "Әл-Наср" сапында үш матч өткізіп, екі голдың авторы атанды.

Осы нәтижеден кейін "Әл-Насрдың" маусым басынан бері жеңіліссіз сериясы жалғасуда. Команда төрт турдан кейін 12 ұпай жинап, Сауд Арабиясы чемпионатының турнирлік кестесінде көш бастап тұр. Чемпионаттағы бесінші тур аясында саудиялық клуб 5 қыркүйекте "Әл-Иттихадқа" қарсы ойын өткізеді.

AmanVIBE арнасының мәліметіне сәйкес 31 жастағы футболшы маусым айының соңында алған жарақатынан кейін толыққанды жаттығу процесіне оралған. Ақпаратқа сәйкес, Қасым жақын арада "Астана" сапындағы алғашқы матчын өткізуі мүмкін.

Әлібек Қасым 21 маусымда Қазақстан Премьер-лигасы аясында "Ақтөбемен" өткен кездесуде бұлшықетінен жарақат алған. Қазір футболшының қалпына келу кезеңі аяқталып, командасына көмектесуге дайын екені хабарланды. Қасымның сапқа қайта қосылуы Қазақстан ұлттық құрамасы үшін де маңызды.

Ал "Астана" қазіргі таңда Қазақстан Премьер-лигасының турнирлік кестесінде 39 ұпаймен үшінші орында келеді. Сондықтан футболшының жарақаттан кейінгі оралуы елордалық клуб үшін маусымның шешуші кезеңінде маңызды фактор болуы мүмкін.

Англиялық клуб жаңа Чемпионшип маусымын сәтті бастай алған жоқ. Екі турдан кейін "Бернлидің" еншісінде бір ғана ұпай бар. Сонымен қатар команда Англия Кубогының екінші кезеңінде "Брэдфордтан" жеңіліп, турнирден шығып қалды.

Соған қарамастан, Ники Хайен қазақстандық жас шабуылшының алғашқы ойындарына оң баға берді.

"Дастан өте жақсы ойнады. Ол қарсылас қақпасына қауіп төндіреді және үнемі белсенді әрекет етуге тырысады. Бірақ бұл алғашқы ойындар ғана. Сондықтан Дастанға және басқа да жаңа ойыншыларға лигадағы жоғары қарқынға толық бейімделу үшін аздап уақыт қажет. Бізге керегі де осы уақыт. Олардың жаттығудағы жұмысын көріп жүрміз және енді сол еңбекті алаңда көрсету маңызды", — деді маман баспасөз конференциясында.

"Бернли" Чемпионшиптің үшінші турында бүгін, 29 тамызда сырт алаңда "Норвичке" қарсы ойнайды. Кездесу Қазақстан уақытымен 19:00-де басталады. 18 жастағы Дастан Сәтпаев "Бернли" клубына "Челсиден" жалға алу шартымен ауысқан болатын. Қазақстандық футболшы жаңа командасындағы алғашқы ресми кездесулерінде алаңға шығып үлгерді.

Еркебұлан Тоқтар бұл туралы IBA Nomad турнирі қарсаңында ALIBEKOVKZ арнасына берген сұхбатында айтты. Спортшының сөзінше, ол шамамен үш айда бір рет жекпе-жек өткізіп, әр кездесуден кейін демалысқа шығуға тырысады. Тоқтар өз гонорарын келіссөз арқылы анықтайтынын атап өтті.

"Мен үш айда бір рет шығамын. Жекпе-жектен кейін міндетті түрде бір жерге демаламын. Орташа есеппен 40-50 миллион теңге аламын. Мен саудаласамын. Осылайша өзімді сатамын", — деді Тоқтар.

Боксшы сұхбат барысында промоутер Зия Әлиевтің өзіне қатысты пікірін де айтып өтті. All Star Boxing компаниясының иесі файтерге салынған инвестицияның ақталғанын жеткізген.

28 тамызда Астанада өткен International Boxing Day турнирінде Еркебұлан Тоқтар өзбекстандық Бобиржон Исроиловпен кездесті. Қазақстандық спортшы қарсыласын екінші раундта нокаутпен жеңді. Тоқтар жекпе-жек барысында Исроиловты екі рет нокдаунға түсіргенімен, өзі де бір рет нокдаун алды.

Осыған дейін файтер шілде айында Алматыда өткен турнирде Артем Тарасовты бірінші раундта нокаутпен жеңген еді.

Қазақстандық боксшы Сәкен Бибосынов кәсіпқой рингтегі басты мақсатын атады. Астанада өткен IBA Nomad турниріндегі жеңісінен кейін ол әлем чемпионы атағына мүмкіндігінше тезірек таласқысы келетінін мәлімдеді.

Қазір Бибосыновтың кәсіпқой бокстағы көрсеткіші – 3 жеңіс, 0 жеңіліс, 1 нокаут.

Жекпе-жектен кейінгі баспасөз мәслихатында Бибосынов алдағы жоспарын ашық айтты. Қазақстандық боксшы рейтингте өзінен жоғары тұрған қарсыластармен кездесіп, үздік ондыққа тезірек енуді көздейді.

"Жекпе-жегім енді ғана аяқталды. Енді аздап тынығып, демалып алып, әрі қарай жұмысымызды жалғастырамыз. Өздеріңіз айтқандай, мен енді жас емеспін, күтетін уақыт жоқ. Тезірек чемпион атану керек, рейтингте менен жоғары тұрған боксшылармен жұдырықтасып, топ-10 қатарына ертерек кіру қажет", – деді Бибосынов.

Қазақстандық боксшы рейтингте жоғарылағаннан кейін әлем чемпионы атағына таласуды жоспарлап отыр.

"Егер мүмкіндік туса, әлем чемпионының белбеуі үшін жекпе-жекті мүмкіндігінше тезірек өткізгім келеді. Біздің елде кәсіпқой бокстан әлем чемпиондары көп емес. Сондықтан сол санаулы ағаларымыздың қатарына қосылғым келеді", – деді спортшы.

Сәкен Бибосынов Астанада өткен International Boxing Day турнирінде Намибия өкілі Иммануэль Джозефпен кездесті.

Джозеф жекпе-жекке дейін WBO Africa титулының иегері болған. Оның кәсіпқой бокстағы статистикасы – 18 жеңіс, 5 жеңіліс, 1 тең нәтиже және 7 нокаут.

Екінші жеңіл салмақта өткен сегіз раундтық кездесу толық дистанцияға созылды. Оның қорытындысы бойынша төрешілердің барлығы жеңісті қазақстандық боксшыға берді.