Клубтың мәліметінше, кездесу 15 тамыз күні сағат 18:00-де Тимур Сегізбаев атындағы "Қайрат" футбол академиясының алаңында өтеді.

Матчқа жанкүйерлер кіргізілмейді. Мұндай шешім Алматыдағы Орталық стадионда концерттен кейін жүргізіліп жатқан демонтаж жұмыстарына байланысты қабылданған.

"Алдағы Премьер-лиганың 9-туры аясындағы үй матчы 15 тамыз күні сағат 18:00-де Т.С. Сегізбаев атындағы "Қайрат"академиясының алаңында өтеді. Ойын орнының өзгеруі Орталық стадионда концерттен кейін жүргізіліп жатқан демонтаж жұмыстарына байланысты. Инфрақұрылымдық шектеулер мен трибуналардың сыйымдылығы аз болғандықтан, кездесу жабық режимде өтеді", — деп хабарлады "Қайраттың" баспасөз қызметі.

Бұған дейін де алматылық клуб Орталық стадионды пайдалана алмаған. Соның салдарынан Чемпиондар лигасының үшінші іріктеу кезеңіндегі үй матчын Алматыдан тыс жерде өткізуге мәжбүр болды.

"Левскиге" қарсы кездесу Түркістанда ұйымдастырылды. Бұған Алматыдағы басты футбол аренасының америкалық рэпер Канье Уэсттың ауқымды концертіне дайындық жұмыстарына берілуі себеп болған.

Канье Уэсттың Алматыдағы концерті 14 тамызға жоспарланған.

АПЛ-дың ресми сайтындағы лондондық клубтың құрамына арналған парақшада 18 жастағы қазақстандық футболшы шабуылшылар бөлімінде көрсетілген.

Сәтпаевтың есімінің жанында Қазақстан туы мен 36-нөмір белгіленген. Сонымен қатар Премьер-лига сайтында ойыншыға жеке профиль ашылып, онда "Челсидің" шабуылшысы ретінде таныстырылған.

Дегенмен Сәтпаевтың АПЛ сайтындағы "Челси" құрамында көрінуі оның клубтың маусымға арналған негізгі 25 футболшысының ресми тізіміне міндетті түрде енгенін білдірмейді.

Қазақстандық шабуылшы 21 жасқа дейінгі ойыншылар санатына жатады. Мұндай футболшылар Премьер-лига ережесі бойынша негізгі 25 орынның бірін алмайды және команда оларды бөлек тіркей алады.

Сондықтан Сәтпаевтың маусым барысында Англия чемпионатында алаңға шығу мүмкіндігі бар болғанымен нақты матчтарға қатысуы "Челсидің" бапкерлер штабының шешіміне байланысты болады.

Ағылшындық клубтардың түпкілікті құрамы әзірге толық қалыптасып болған жоқ. Англиядағы жазғы трансферлік кезең 1 қыркүйекте аяқталады.

Осыдан кейін Премьер-лига клубтары маусымға арналған жаңартылған тізімдерін қайта ұсынады. Демек "Челсидің" қазіргі құрамында да өзгерістер болуы ықтимал.

Премьер-лига сайтындағы Дастан Сәтпаевтың жеке парақшасында "Челсидің" алдағы кездесуі ретінде 24 тамызда "Фулхэмге" қарсы өтетін Англия чемпионатының матчы көрсетілген.

Бірақ бұл ақпарат қазақстандық футболшы сол ойында міндетті түрде алаңға шығады дегенді білдірмейді. Матчтық өтінімге енгізу мәселесін команда жаттықтырушылары шешеді.

Қазақстандық аралас жекпе-жек шебері әлеуметтік желідегі парақшасында Қарағандыда өткен еске алу жиынынан видео жариялады.

Кадрлардан Шавкат Рахмоновтың дастархан басында отырмағанын, залдағы көпшіліктің алдында тұрғанын байқауға болады. Еске алу асы қазақы дәстүрге сай ұйымдастырылған.

Файтердың әкесі Бақтыбай Алпамысов 2 тамызда 66 жасқа қараған шағында дүниеден озды.

Бұл кезеңде Шавкат Рахмонов тізесіне жасалған операциядан кейін қалпына келіп, оңалту курсынан өтіп жүрген. Файтер отбасының қайғысына байланысты көпшілік алдында арнайы мәлімдеме жасаған жоқ. Сондықтан қаралы хабар бастапқыда тек жақындары мен айналасындағы адамдарға белгілі болған.

Соған қарамастан Рахмонов көп ұзамай көпшілік алдына шықты. 8 тамызда Бейжіңде өткен Naiza промоушенінің турниріне қатысты.

Бақтыбай Алпамысовтың қайтыс болғаны туралы хабар халықаралық ММА қауымдастығына бір аптадан кейін кеңінен тарай бастады. 9-10 тамыз күндері әлеуметтік желілерде еске алу асы туралы ақпарат жарияланып, кейін бұл мәліметті Шавкат Рахмоновтың жаттықтырушысы Эдуард Базров растады.

Осыдан кейін шетелдік ММА парақшалары мен қауымдастықтары қазақстандық файтерге көңіл айтып, оның отбасына қолдау білдірді.

Бұған дейін Қазақстан Президенті Қасым-Жомарт Тоқаев та Шавкат Рахмоновқа әкесінің қайтыс болуына байланысты көңіл айту жеделхатын жолдағаны хабарланған.

Қостанайлық клуб ойынның алғашқы минуттарынан-ақ допқа көбірек иелік етіп, қарсылас қақпасына қысым жасауға тырысты. Бірінші таймда алаң иелерінің шабуылы нәтижесін беріп, Ислам Чесноков керемет соққымен есеп ашты.

Үзілістен кейін сербиялық команда белсенділігін арттырды. Қонақтардың шабуылында қақпашы Сұлтан Бұсырманов соққыдан кейін допты қақпа сызығынан асып кеткен кезде тоқтатты. Нәтижесінде есеп теңесті.

Одан кейін екі команда да жеңіс голын іздеп, қауіпті шабуылдар ұйымдастырды. Матчтың тағдыры қосымша уақытта шешілді. 92-минутта Шака Траоре белградтықтардың екінші добын соғып, командасына жеңіс әкелді.

Үй матчтарына арналған форманың негізгі түсі — қою көк. Бұл реңк қыстың түнгі аспанын, мұз айдынының суық жарқылын бейнелейді.

Ал сырт алаңдағы кездесулерге арналған ашық түсті форма Астананың қуаты мен мінезін, сондай-ақ шексіз қарлы даланың табиғатын көрсетуге бағытталған.

"Жаңа маусым қарсаңында ойын формасының жаңа дизайнын ұсынамыз. Оның безендірілуі мұздай салқын стихия мен тірі, тоқтаусыз энергия тоғысатын сәттен шабыт алды", — деп мәлімдеді клубтың баспасөз қызметі.

Михаил Кравец жаттықтыратын елордалық команда ҚХЛ-дың 2026/2027 маусымындағы алғашқы матчтарын өз айдынында өткізеді.

7 қыркүйекте Новосібірдің "Сибирін" қабылдайды. 9 қыркүйекте астаналықтар Уфаның "Салават Юлаев" командасымен кездессе, 12 қыркүйекте Хабаровскінің "Амурына" қарсы ойнайды.

Осылайша "Барыс" жаңа маусымды қатарынан үш үй матчымен бастайды.

Америкалық Citigroup инвестициялық банкі қазір "Лестер Ситиге" қызығушылық танытуы мүмкін инвесторлар мен әлеуетті сатып алушыларды іздестірумен айналысып жатыр.

Сатылымға қойылған активтер пакетіне тек футбол клубы емес, бірнеше маңызды нысан кіреді. Атап айтқанда, мәміле аясында "Кинг Пауэр" стадионы, "Лестердің" жаттығу базасы және Бельгияның "Ауд-Хеверле Левен" клубы ұсынылады.

The Athletic мәліметінше, King Power International иелігіндегі футбол активтерінің жалпы құны шамамен 300 миллион доллар деп бағаланған.

Бірақ клубтың төменгі дивизионға түсіп қалуы оның нарықтық бағасына айтарлықтай әсер етуі мүмкін. Дереккөздердің ақпараты бойынша, нақты келісім құны 200 миллион доллар шамасында болуы ықтимал.

"Лестер Сити" Англия футболындағы ең сенсациялық чемпиондықтардың бірінің авторы саналады. Клуб 2015/2016 маусымында Англия Премьер-лигасын жеңіп, әлем футболын таңғалдырған еді.

Команданың басқа да ірі жетістіктері бар:

"Түлкілер" халықаралық аренада да бірнеше рет жоғары нәтиже көрсетті. 2016/2017 маусымында "Лестер Сити" Чемпиондар лигасының ширек финалына дейін жетті.

Ал 2021/2022 жылғы Конференциялар лигасында ағылшын клубы жартылай финалға дейін барып, турнирдің үздік төрт командасының қатарына енген.

Ағылшындық клуб ресми парақшасында FPL жүйесіне енгізілген сегіз футболшының бағасын таныстырды.

Олардың арасында ең жоғары баға Морган Роджерске қойылған. Оның виртуалды трансферлік құны 7,5 миллион фунт болып белгіленді. Ал Максенс Лакруа мен Дэнни Уэлбек 6 миллион фунтқа бағаланған.

Марко Палестра, Джеованни Кенда және Валентин Барконың әрқайсысының бағасы 5,5 миллион фунтты бооса, Джордан Хендерсон мен Пеп Чаваррия 5 миллион фунттан бағаланды.

Жарияланған сегіз футболшының арасында қазақстандық шабуылшы Дастан Сәтпаевтың есімі кездеспеді.

Дегенмен бұл жағдай Сәтпаевтың "Челсидегі" мәртебесіне немесе болашағына қатысты қандай да бір өзгеріс болды дегенді білдірмейді. Клуб тек қазіргі уақытта Fantasy Premier League ойынында қолжетімді футболшылардың бағасын көрсеткен.

Бұған дейін Дастан Сәтпаев лондондық клубтың қатарына қосылып, команданың маусым алдындағы оқу-жаттығу жиынына қатысқан.

Қазақстандық зілтемірші +77 келіге дейінгі салмақ дәрежесінде өнер көрсетіп, қоссайыс қорытындысы бойынша 232 келі нәтиже көрсетті.

Шешукованың көрсеткіші:

Осы нәтиже Софияға Азия чемпионатының қола жүлдесін алып берді.

Жарыста тоғыз қарсыластың арасынан қазақстандықтан тек екі спортшы жоғары нәтиже көрсетті.

Бірінші орынды ирандық Махса Бехешти 261 келімен (113+148) иеленсе, вьетнамдық Тхи Лу Тонг 233 келі (107+126) көтеріп, күміс жүлде еншіледі.

Бұл жарыс София Шешукованың халықаралық деңгейдегі алғашқы турнирі болды. Соған қарамастан ауыр атлет бірден Азия чемпионатының үздік үштігіне кірді.

Бұған қоса София Шешукованың осы Азия чемпионатында тағы бір жүлдеге қол жеткізу мүмкіндігі бар.

Қазақстан құрамасының бапкерлер штабы оны жасөспірімдер арасындағы +86 келі салмақ дәрежесіне де тіркеген.

Бір қызығы Алексей Клиновицкийдің шәкіртіне зілтемір көтеру үшін қайтадан тұғырға шығудың қажеті жоқ. Ереже бойынша оның бүгінгі жарыста көрсеткен 232 келілік нәтижесі келесі салмақ санатында да есепке алынуы мүмкін.

Егер +86 келі санатындағы кем дегенде үш қарсылас Шешукованың нәтижесінен төмен көрсеткіш тіркесе, қазақстандық зілтемірші тағы бір жүлде місе тұтуы мүмкін.

Дереккөздің хабарлауынша, тараптар Ислам Чесноковтың трансфері бойынша толық келісімге келген. Қазір мәмілені ресми түрде рәсімдеу жұмыстары аяқталу сатысында.

Қазақстандық футболшының "Крылья Советов" клубына қысқы трансферлік кезеңде қосылатыны күтіледі.

Егер келісім ресми түрде аяқталса, Ислам Чесноков самаралық клубтың ойыншысы атанады және Ресей Премьер-лигасында өнер көрсетуге мүмкіндік алады.

Чесноков жыл басында Шотландияның "Хартс, клубына ауысқан. Қазақстандық футболшы аталған команда сапында 11 матч өткізіп, бір гол соқты.

Сонымен қатар клубпен бірге ел чемпионатының күміс жүлдесін еншіледі. 

Вингер шілде айында қайтадан Қостанайдың "Тобылына" оралды.

Ақпаратқа сәйкес, балалар стадиондағы дыбыс жабдығына кедергісіз жақындаған. Олар матчтың YouTube-трансляциясы жүріп жатқанын аңғармай, микрофон маңында балағат сөздер аралас тақпақ айтқан.

Нәтижесінде олардың дауысы көрермендерге анық естілген.

Матчты онлайн тамашалаған қолданушылар бұл сәтті бірден жазып алып, бейне бірнеше сағаттың ішінде Telegram-арналар мен спорттық парақшаларға тарап кеткен.

NUR.KZ тілшісіне кәсіби клубтар арасындағы жарыстарды өткізу дирекциясы жағдайға қатысты түсініктеме берген.

Дирекция өкілдерінің мәліметінше, Қазақстан Екінші лигасының матчы кезінде тікелей эфирге әдепсіз сөздердің тарап кетуіне байланысты ішкі тексеріс жүргізілген. Тексеру барысында көрермендердің футбол алаңының периметріне қойылған микрофондардың біріне қол жеткізгені анықталған.

Бұл құрылғылар матч кезіндегі стадион атмосферасын, яғни алаңдағы табиғи дыбысты эфирге беру үшін пайдаланылады.

Дирекцияның хабарлауынша, үзіліс кезінде балалар осындай микрофондардың біріне жақындап қалған. Соның салдарынан олардың балағат сөздер аралас әңгімесі тікелей трансляцияға шыққан.

Ұйым өкілдері алаң маңындағы интершум микрофондарының орналасуына байланысты олардың әрқайсысын тұрақты бақылауда ұстау қиын екенін атап өтті. Соған қарамастан алдағы матчтарда мұндай жағдайдың қайталанбауы үшін қосымша қауіпсіздік шаралары қабылданбақ.

Дирекция өкілдері бұл эпизод үшін кешірім сұрап, көрермендерге түсіністік танытқаны үшін алғыс айтты.

XX жазғы Азия ойындары 2026 жылғы 19 қыркүйек пен 4 қазан аралығында Жапонияның Айти префектурасы мен Нагоя қаласында өтеді.

ҚР Туризм және спорт министрлігінің мәліметінше, құрлықтық додаға Азияның 45 елінен шамамен 15 мың спортшы қатысады. Жарыс барысында 469 медаль жиынтығы сарапқа салынады.

Қазақстан құрамасы Азия ойындарында 35 спорт түрінен бақ сынауды жоспарлап отыр. Қазір алдын ала тізімге 571 спортшы енген. Бұл көрсеткіш Ханчжоуда өткен алдыңғы Азия ойындарымен салыстырғанда жоғары. Ол кезде Қазақстан атынан 523 спортшы өнер көрсеткен.

Ұлттық құраманың түпкілікті құрамы спортшылардың халықаралық жарыстардағы нәтижесіне қарай жасақталады.

Туризм және спорт министрлігі федерациялар алдына нақты медальдық міндет белгілеген.

Жоспарға сәйкес Қазақстан құрамасы Азиада-2026-да жалпы 99 жүлде жеңіп алуға тиіс. Медаль жоспарын орындау бойынша тиісті міндеттемені ұлттық спорт федерациялары өз мойнына алған.

Сонымен қатар ведомство халықаралық спорт ұйымдарымен алдын ала жүйелі жұмыс жүргізудің маңызын атап өтті. Халықаралық федерациялармен және салалық мамандармен кәсіби байланысты күшейту қазақстандық спортшылардың нәтижесіне әсер ететін негізгі факторлардың бірі ретінде қарастырылып отыр.

ҚР Туризм және спорт министрлігі ұлттық федерациялармен бірлесіп, Қазақстан құрамасын Азия ойындарына дайындаудың кешенді жоспарын әзірлеген.

Спортшыларға:

Ұлттық құраманың дайындығын күшейту мақсатында 11 елден 24 шетелдік бапкер-консультант шақырылған. Олар 13 спорт түрі бойынша қазақстандық атлеттермен жұмыс істейді.

Жыл басынан бері Қазақстанның ұлттық командалары 226 оқу-жаттығу жиынын өткізген. Сонымен бірге спортшылар 282 халықаралық жарыста бақ сынады. Оның ішінде:

Жалпы бұл жарыстар 68 спорт түрін қамтыған.

Азия ойындары басталғанға дейін қазақстандық спортшыларды тағы 31 халықаралық жарыс пен 73 оқу-жаттығу жиыны күтіп тұр.

Нагояда өтетін XX жазғы Азия ойындары Қазақстан спорты үшін 2026 жылдың ең маңызды додаларының біріне айналмақ.

Бұған дейінгі жазғы Азия ойындарында Қазақстан құрамасы 80 медаль жеңіп алды. Оның ішінде 10 алтын, 22 күміс және 48 қола жүлде бар.

Junior санатында Әлихан Әскербай қоссайыс қорытындысы бойынша 361 келіні бағындырды. Қазақ атлеті жұлқа көтеруде 163 келі, серпе көтеруде 198 келі көтеріп, үшінші орынға тұрақтады.

Junior санатындағы үздік үштік:

Осылайша қазақстандық зілтемірші күміс жүлдеден небәрі бір келіге қалып қойды.

Youth санатында өнер көрсеткен Нұржан Жұмабай қарсыластарынан басым түсті. Ол жұлқа көтеруде 159 келіні, серпе көтеруде 195 келіні еңсеріп, қоссайыста 354 келі нәтижемен алтын медаль жеңіп алды.

Youth санатындағы үздік үштік:

Жұмабай бұл жарыста жұлқа көтеру, серпе көтеру және қоссайыс бойынша үш бірдей Азия рекордын жаңартты.

Әлихан Әскербай 2008 жылы 26 сәуірде Жетісу облысының Сарқан қаласында дүниеге келген. Жеке бапкері — Сергей Седов.

Қазақстандық ауыр атлет бұған дейін де халықаралық ареналарда бірнеше рет жүлде алған. Оның негізгі жетістіктері:

Әскербай — Қазақстан Республикасының спорт шебері және халықаралық дәрежедегі спорт шебері.

Нұржан Жұмабай 2010 жылы 5 қазанда Алматы облысы Іле ауданы Қараой ауылында дүниеге келген. Жеке бапкері — Азамат Нұрұллаев.

Оның басты жетістіктері:

Нұржан Жұмабай да Қазақстан Республикасының спорт шебері және халықаралық дәрежедегі спорт шебері атағына ие.

Қазақстандық файтер Бекзат Алмаханның UFC-дегі болашағына қатысты ақпарат шықты. Инсайдерлердің мәліметінше, отандасымыз әлемдегі ең ірі ММА промоушенінің ростерінен алынып тасталған.

Бұл туралы алғашқылардың бірі болып Х әлеуметтік желісінде Krazy Kev MMA лақап атымен танымал инсайдер хабарлады. Кейін бұл ақпаратты Agent MMA да жариялады. 

Бекзат Алмахан UFC-дегі алғашқы жекпе-жегін 2024 жылдың наурыз айында өткізді. Содан бері қазақстандық файтер әлемдегі ең беделді ММА ұйымында төрт рет октагонға шықты. Оның нәтижесі — бір жеңіс және үш жеңіліс.

Алмахан соңғы рет биыл маусым айында Әзербайжан астанасы Бакуде өткен UFC Fight Night 280 турнирінде өнер көрсетті.

Сол кездесуде қазақстандық спортшы бразилиялық Жан Мацумотомен жұдырықтасты. Үш раундқа созылған айқаста төрешілер бірауыздан Мацумотоның жеңісін тіркеді.

Бекзат Алмаханның кәсіпқой ММА-дағы жалпы рекорды — 12 жеңіс және 4 жеңіліс.

Ал UFC-дегі көрсеткіші 1 жеңіс және 3 жеңіліс. Дәл осы нәтиже оның промоушендегі болашағына әсер еткен болуы мүмкін.

Елордада Туризм және спорт министрі Ербол Мырзабосыновтың төрағалығымен VI Дүниежүзілік көшпенділер ойындарына дайындық мәселелері бойынша кеңес өтті. Жиында ұлттық құраманың дайындығы, спортшыларды қамтамасыз ету және жарыс алдындағы ұйымдастыру жұмыстары талқыланды.

VI Дүниежүзілік көшпенділер ойындарына қатысатын Қазақстан ұлттық құрамасының құрамы толық бекітілді.

Делегация құрамына 155 спортшы, 49 жаттықтырушы және жарысқа қатысуды қамтамасыз ететін мамандар кірді. Барлық делегация мүшесі бірыңғай спорттық киіммен қамтамасыз етілген.

Кеңесте көкпар жарыстарын өткізуге қатысты дайындық мәселелері де жеке қаралды. Атап айтқанда, аттарды тасымалдау, орналастыру, күтіп-бағу және ветеринариялық сүйемелдеу жұмыстары пысықталды. Бұл бағыттағы ұйымдастыру шаралары ұлттық спорт түрлеріндегі нәтижеге тікелей әсер ететін маңызды факторлардың бірі саналады.

VI Дүниежүзілік көшпенділер ойындары 2026 жылғы 29 тамыз бен 6 қыркүйек аралығында Қырғыз Республикасында өтеді.

Жарыс бағдарламасына спорттың 43 түрі енгізілген. Жалпы 69 медаль жиынтығы сарапқа салынады.

Кездесудің бас төрешісі болып Болат Сариев бекітілді. Оған алаңда Сергей Васютин мен Денис Лабашов көмектеседі. Қосалқы төреші қызметін Данил Горда атқарады. VAR жүйесінде Айдын Тасыбаев жұмыс істесе, оның ассистенті венгриялық төреші Тамаш Богнар болады.

Матч 13 тамызда Скопьедегі “Тоше Проески” стадионында өтеді. Ойын Қазақстан уақытымен 23:00-де басталады.

Командалар арасындағы алғашқы матч Шотландияда өтіп, “Хибернианның” 2:1 есебімен жеңісімен аяқталған. Енді қос команда Конференциялар лигасының плей-офф кезеңіне шығу жолындағы тағдырын Скопьедегі қарымта кездесуде шешеді.

Қазақстанның бірінші ракеткасы Елена Рыбакина Торонтодағы беделді WTA 1000 турнирінің финалына шықты. Ол шешуші кезеңге шыққаны үшін кемінде 564 920 доллар сыйақы алады.

Бұдан бөлек WTA рейтингіндегі қоржынына 650 ұпай қосады. Бұл нәтиже оның әлемдік рейтингтегі позициясын нығайтуға мүмкіндік береді.

Елена Рыбакинаның финалдағы қарсыласы польшалық Ига Швентек болады. Швентек жартылай финалда украиналық Элина Свитолинаны үш сетте жеңді.

WTA 1000 санатындағы Торонто турнирі 2-13 тамыз аралығында өтіп жатыр. 

Жарыстың жалпы жүлде қоры — 7 433 076 доллар. Былтыр турнирде канадалық Виктория Мбоко чемпион атанды.

Қостанайлық "Тобыл" бүгін Конференция лигасының үшінші іріктеу кезеңіндегі қарымта матчта Сербияның "Партизан" клубын қабылдайды. Алғашқы кездесуде ірі есеппен жеңілген қазақстандық команда енді өз алаңында жағдайды түзетуге тырысады.

Белгілі футбол маманы Болат Есмағамбетов бұл жұпта сербиялық клубтың деңгейі жоғары екенін атап өтті.

Оның пікірінше, алғашқы ойынның нәтижесі кездейсоқ болған жоқ.

"Бастапқыдан-ақ бұл жұпта "Партизан" фаворит екені түсінікті болды. Белградтағы алғашқы матчтың нәтижесі заңды. Сербия командасының жоғары деңгейі мен шеберлігі бірден көрінді", — деді Есмағамбетов.

Маманның айтуынша, Қостанайдағы қарымта кездесуде "Тобыл" әлдеқайда жинақы ойнауы мүмкін. Дегенмен ол қазақстандық клубтың келесі кезеңге өту мүмкіндігін жоғары бағаламайды.

"Менің ойымша, өз алаңында "Тобыл" "Партизанмен" тең ойнауы немесе минималды есеппен жеңуі мүмкін. Бірақ одан артығы қиын", — деді футбол маманы.

Командалар арасындағы алғашқы кездесу Белградта өткен еді. Сол ойында "Партизан" "Тобылды" 3:0 есебімен жеңді. Бұл нәтиже сербиялық клубқа қарымта матч алдында үлкен басымдық беріп отыр.

Айта кетейік, "Тобыл" — "Партизан" матчы бүгін Қостанайда өтеді. Кездесу Қазақстан уақытымен 20:00-де басталады.

Тәуелсіз апелляциялық комиссия бес хоккейшінің ұйымның мінез-құлық кодексін бұзғанын растады. Нәтижесінде төрт ойыншыны белгілі бір мерзімге ұлттық құрама жарыстарынан шеттету ұсынылды:

Ал Алекс Форментонға бүгіннен бастап ойындарға қатысуға рұқсат берілді.

Хоккейшілер апелляциялық процесс аяқталғанға дейін Канаданың хоккей федерациясы санкциялаған бағдарламаларға қатыса алмайды. Сонымен қатар ұлттық құрама сапына үміткер ойыншылар үшін қосымша тексеру процедурасы енгізіледі. 2025 жылы хоккейшілер сексуалды зорлық-зомбылық ісі бойынша ақталған болатын.

Майкл Маклауд 2024/25 маусымында Қазақстанның “Барыс” клубында өнер көрсетті. Ол команда сапында 16 матч өткізіп, 3 шайба соғып, 3 нәтижелі пас берген. Қазіргі уақытта канадалық шабуылшы Омбының “Авангард” клубында ойнайды.

Канадада өтіп жатқан WTA 1000 санатындағы Торонто турнирі Елена Рыбакина үшін рейтинг тұрғысынан маңызды жарысқа айналды. Қазақстандық теннисші финалға шығып, әлемдік рейтинг көшбасшысына дейінгі арақашықтықты қысқартты.

Елена Рыбакина жартылай финалда америкалық Кори Гауффты жеңіп, Торонто турнирінің шешуші кезеңіне жолдама алды.

Осы жеңістің арқасында қазақстандық теннисші WTA live-рейтингінде қосымша 260 ұпай иеленді.

Қазіргі live-рейтинг бойынша Елена Рыбакинаның еншісінде 8316 ұпай бар.

Ал әлемдік рейтингтің бірінші орнында тұрған Беларусь өкілі Арина Соболенкода 8670 ұпай. Айта кетейік, Соболенко Торонто турнирін 1/8 финал кезеңінде аяқтап қойған.

Егер Елена Рыбакина Canadian Open-2026 турнирінде чемпион атанса, оның ұпай саны 8666-ға жетеді.

Бұл жағдайда ол Арина Соболенкодан небәрі төрт ұпайға ғана қалып қояды. Мұндай көрсеткіш қазақстандық теннисші үшін әлемнің бірінші ракеткасы атану жолындағы ең жақын мүмкіндіктердің бірі болмақ.

Бұған дейін Қазақстан атынан шыққан бірде-бір теннисші WTA рейтингінде әлемнің бірінші ракеткасы атанбаған.

Торонто турнирінің финалында Елена Рыбакина Польша өкілі Ига Швёнтекпен кездеседі.

Бұл матч қазақстандық теннисші үшін тек титул ғана емес, әлемдік рейтингтегі көшбасшылыққа барынша жақындау тұрғысынан да аса маңызды болады.

Қазақстандық жас шабуылшы Жасұлан Әмірдің болашағына қатысты жаңа ақпарат шықты. "Ордабасы" өкілі Бейбіт Әлібеков футболшыға шетелден ұсыныстар бар екенін мәлімдеді.

YouTube-тегі "Бизнес-Ниндзя" арнасына берген сұхбатында Бейбіт Әлібеков Жасұлан Әмірге Испаниядан қызығушылық бар екенін айтты.

"Әмір, бәлкім, Ла Лигаға ауысуы мүмкін. Оның үстіне бізге ұсыныстар түсіп жатыр. Рас, әзірге толық біз күткендей емес", — деді ол.

Әлібеков нақты испаниялық клубтың атауын білмейтінін, бірақ Испаниядан ұсыныс бар екенін жеткізді.

"Ордабасы" өкілінің айтуынша, Жасұлан Әмірге Швейцарияның "Базель" клубынан да ұсыныс түскен.

Сонымен қатар футболшыға АҚШ-тың MLS лигасынан және Бельгия клубынан қызығушылық бар.

"Мен клубты нақты білмеймін, шынымды айтсам, бірақ Испаниядан ұсыныс бар. "Базельден" ұсыныс бар, MLS-тен бар, Бельгия клубынан да ұсыныс түсті. Агент испаниялық клубтан ұсыныс бар екенін айтты. Біз сөйлесуді бастадық, бірақ әзірге мұның бәрі тек әңгіме деңгейінде", — деді Әлібеков.

Жасұлан Әмір "Ордабасы" сапында ересектер деңгейіндегі дебютін 2025 жылдың наурызында өткізді.

Содан бері жас шабуылшы шымкенттік клубтың негізгі құрамына жақындап, Қазақстан Премьер-лигасында көзге түсе бастады.

Ал Қазақстан ұлттық құрамасы сапындағы алғашқы ресми матчын 2026 жылғы 9 маусымда өткізді.

Ол Венгрияға қарсы жолдастық кездесуде алаңға шығып, бірден нәтижелі паспен көзге түсті. Бұл матчта Қазақстан 1:3 есебімен жеңілді.

Қазіргі маусымда 19 жастағы шабуылшы нәтижелі ойынымен ерекшеленіп жүр.

Жасұлан Әмір 7 гол соғып, 3 нәтижелі пас берді. Ал ҚПЛ-дегі дебюттік 2025 маусымында ол 13 матчқа қатысып, 1 нәтижелі пас жасаған еді.

WTA рейтингінде екінші орында тұрған Елена Рыбакинаның жартылай финалдағы қарсыласы әлемнің төртінші ракеткасы Кори Гауфф болды.

Кездесудің алғашқы партиясында америкалық теннисші 7:5 есебімен басым түсті. Бірақ Рыбакина екінші сеттен бастап ойын тізгінін толық өз қолына алды. Ол келесі екі партияда қарсыласына мүмкіндік бермей, екеуінде де 6:2 есебімен жеңіске жетті.

Матчтың қорытынды есебі — 5:7, 6:2, 6:2. Тартысты кездесу 2 сағат 3 минутқа созылды.

Финалда қазақстандық теннисші польшалық Ига Швентекпен кездеседі.

Швентек жартылай финалда украиналық Элина Свитолинаны үш сетте жеңген еді. Матч 6:3, 1:6, 6:3 есебімен аяқталды.

Торонтодағы WTA 1000 турнирінің жеңімпазы 1 085 220 АҚШ долларын иеленеді. Сонымен қатар чемпионның еншісіне 1000 рейтингтік ұпай жазылады.

Қазақстандық гроссмейстер қара фигурамен ойнап, қарсыласымен тең нәтиже тіркеді. Осылайша Асаубаева турнирдегі үш партияның барлығын тең аяқтап, 1,5 ұпай жинады. Бұған дейін бірінші турда шахматшы Украина өкілі Анна Музычукпен, ал екінші турда үндістандық Вайшали Рамешбабумен тең түскен еді.

Үш турдан кейін турнир кестесінде Қытай өкілі Тань Чжунъи мен Элис Ли 2,5 ұпайдан жинап, көш бастап келеді. Ал Дивья Дешмухтың еншісінде 2 ұпай бар. Бибісара Асаубаева 1,5 ұпаймен төртінші орында келе жатқан шахматшылар тобына кірді. Бұл топта Анна Музычук, Карисса Ип және Ставрула Цолакиду да бар.

Қазақстандық шахматшы Cairns Cup 2026 турнирі бойынша алда 6 кездесу өткізеді. Бүгін, 13 тамызда Асаубаев Грекия өкілі Ставрула Цолакидумен, 14 тамызда Үндістан шахматшысы Хампи Конерумен бақ сынасады. Айта кетейік, биылғы Cairns Cup турнирінің жүлде қоры 250 мың долларды құрайды.

Бұл — Хави Эрнандестің бапкерлік мансабындағы ұлттық құрама деңгейіндегі алғашқы қызметі. Бұған дейін испаниялық маман тек клубтық футболда еңбек етті.

Айта кетейік, 46 жастағы Хави мансабында екінші рет Рональд Куманның ізбасары болып отыр. Ол 2021 жылы да нидерландтық бапкер кеткеннен кейін каталониялық "Барселонаның" тізгінін ұстаған. 

Енді дәл осындай жағдай Нидерланд құрамасында қайталанды.

Бұған дейін Нидерланд ұлттық құрамасының бас бапкері қызметіне бірнеше танымал маманның кандидатурасы қарастырылғаны хабарланған. Олардың қатарында Роберто Мартинес, Эрик тен Хаг және Петер Бос болды.

Соңғы ақпараттарда Хави мен Роберто Мартинестің KNVB қарастырған негізгі үміткерлердің қатарында болғаны айтылған.

Енді испаниялық маманның басты міндеттерінің бірі — "Қызғалдақтар елі" құрамасын ірі халықаралық турнирлерде жоғары нәтижеге жеткізу. KNVB-ның 2026–2030 жылдарға арналған даму стратегиясында да ұлттық құрамалардың ең ірі жарыстарда жеңіске жетуі негізгі мақсаттардың бірі ретінде көрсетілген.

Нидерланд футбол федерациясы (KNVB) Хавимен 2030 жылғы әлем чемпионаты аяқталғанға дейін келісімге келген.

Нурмагомедов бұл туралы Лекс Фридманға берген сұхбатында айтты. Хабибтің сөзінше, 2018 жылы Конор Макгрегормен өткен кездесу сол кезеңдегі ең ауыр айқастардың бірі болған.

"Жекпе-жектің жүз пайызы – психология. Сол сәтте Конормен кездесу психологиялық тұрғыдан мен үшін ең ауыр жекпе-жек болды. Бірақ кейін Гейджиге қарсы одан да қиын айқас өткіздім", – деді Нурмагомедов.

Макгрегор мен Хабиб арасындағы жекпе-жек UFC тарихындағы ең көп талқыланған кездесулердің біріне айналған еді.

Нурмагомедов Джастин Гейджиге қарсы кездесудің ауыр болуына бірнеше фактор әсер еткенін жеткізді. Соның ең бастысы – әкесі әрі жаттықтырушысы Абдулманап Нурмагомедовтың өмірден өтуі.

"Бірінші кезекте әкемнен айырылғаннан кейін өзімді жинау өте қиын болды. Дайындықты онсыз өткізуге тура келді. Мен спортпен айналысып, чемпион болғым келген адамның өзі әкем еді. Ең алдымен оған әлемдегі ең мықты бола алатынымды дәлелдегім келетін", – деді Хабиб.

Оның айтуынша, жаттығу жиыны кезінде денсаулығына байланысты қиындықтар да болған.

Хабиб дайындық барысында жарақаттар мазалағанын, алайда психологиялық тұрғыдан барынша жинақы болуға тырысқанын айтты.

"Жаттығу лагері де оңай болған жоқ. Денсаулығым сыр берді, жарақаттың артынан жарақат алдым. Бірақ психологиялық тұрғыдан дайын болдым. Ол кезде бұл менің соңғы жекпе-жегім екенін ешкім білмеді. Өзім үшін бәрін сол жерде аяқтауым керек екенін түсіндім", – деді бұрынғы UFC чемпионы.

Нурмагомедов анасына қайтадан осындай күйзелісті бастан өткерткісі келмегенін де атап өтті. Сондықтан Гейджимен кездесуден кейін мансабын аяқтау туралы шешім қабылдаған.

Хабиб Нурмагомедов 2018 жылдың қазанында UFC 229 турнирінде Конор Макгрегормен кездесіп, төртінші раундта қарсыласын берілуге мәжбүр етті.

Ал 2020 жылдың күзінде Джастин Гейджиге қарсы октагонға шықты. Хабиб бұл жекпе-жекте де мерзімінен бұрын жеңіске жетіп, UFC-дегі чемпиондық белбеуін қорғады.

Айқастан кейін Нурмагомедов кәсіби мансабын аяқтайтынын мәлімдеді. Ол мұндай шешімге анасына әкесінсіз қайта жекпе-жекке шықпауға уәде бергеннен кейін келгенін түсіндірді.

Хабиб Нурмагомедов MMA мансабын 29 жеңіс және 0 жеңіліс көрсеткішімен аяқтады.

Бейбіт Әлібеков бұл туралы "Бизнес-Ниндзя" YouTube-арнасына берген сұхбатында айтты. "Ордабасы" өкілі жаңа стадионның ауқымын ұлғайту бастамасы қосымша қаржыны қажет етуі мүмкін екенін жасырмады.

"Біз 60 мың адамға арналған стадион саламыз деп шештік. Әзірге құрылыс басталған жоқ. Бірақ біз бір нәрсені айтсақ, одан кейін кері қайтпайтын адамдармыз. Жігіттер маған, әзілдеп айтты деп үміттенемін: “Бұл сенің идеяң болғандықтан, енді қосымша 20 миллиард теңгені өзің тауып кел”, – дейді. Яғни әкімдік бөлетін қаражат өз орнында қалады, ал кластерге өз қаражатымызды қосамыз", – деді Бейбіт Әлібеков.

Осылайша жобаның кеңейтілген нұсқасын жүзеге асыру үшін жеке инвестиция тарту мәселесі де қарастырылып отырғаны байқалады.

Шымкенттің Қаратау ауданында бой көтеретін жаңа "Ордабасы Арена" стадионының құрылысы ресми түрде 2024 жылдың жазында басталған.

Бірақ қосымша жер телімдерін мемлекет қажетіне алу процесіне байланысты құрылыс жұмыстарының белсенді кезеңі кейінге шегерілді. Негізгі жұмыстар 2026 жылдың көктемінде қарқын алды.

Бастапқы жоба шамамен 21 гектар аумақта жүзеге асырылып, стадионның сыйымдылығын 35 мың көрерменге есептеуді қарастырған еді.

Жоба бойынша жаңа арена УЕФА-ның төртінші санатына сәйкес келуі тиіс. Бұл деңгейдегі стадион халықаралық матчтарды және еурокубоктардың жоғары деңгейдегі кездесулерін өткізуге мүмкіндік береді.

Дегенмен 2026 жылдың жазында Шымкент билігі мен құрылыс саласына жауапты мекемелер аренаның сыйымдылығын қайта қарастыруға кірісті.

Жоспар бойынша стадиондағы орын саны 55–60 мыңға дейін арттырылуы мүмкін.

Егер жаңартылған жоба мемлекеттік сараптамадан сәтті өтіп, ФИФА мен УЕФА талаптарына толық сәйкес келетіні расталса, "Ордабасының" стадионы Қазақстандағы ең ірі футбол аренасына айналуы ықтимал.

Opta статистикалық платформасының мәліметінше, Елена Рыбакина 1975 жылдан бері әлемнің бірінші ракеткасы атанған теннисшілерге қарсы кемінде 25 матч өткізген ойыншылар арасында үшінші орында тұр.

Қазақстандық теннисші мұндай қарсыластармен 46 рет кездесіп, соның 29-ында жеңіске жетіп, 17 матчта жеңілген. Осылайша Рыбакинаның жеңіс көрсеткіші 63 пайызға жетті. 

Бұл статистика бойынша Рыбакина әйелдер теннисінің әйгілі өкілдері Мартина Навратилова мен Штеффи Графтан жоғары орналасқан. Қазақстандық теннисшіден алда тек америкалық Серена Уильямс пен польшалық Ига Швёнтек тұр.

Әлемнің бұрынғы және қазіргі бірінші ракеткаларына қарсы жеңіс пайызы бойынша үздік бестік:

1. Серена Уильямс – 72,9%; 2. Ига Швёнтек – 71,0%; 3. Елена Рыбакина – 63,0%; 4. Мартина Навратилова – 62,2%; 5. Штеффи Граф – 58,9%.

Осы көрсеткіш Рыбакинаның ең мықты қарсыластарға қарсы ойында қаншалықты нәтижелі екенін аңғартады.

Елена Рыбакина қазір Торонтодағы WTA 1000 турнирінде өнер көрсетіп жатыр. Ол ширек финалда әлемнің экс-бірінші ракеткасы, жапониялық Наоми Осаканы үш сетте жеңді. Кездесу 4:6, 7:6, 6:4 есебімен аяқталды.

Осы жеңістен кейін Рыбакина турнирдің жартылай финалына жолдама алды. Енді финалға шығу үшін америкалық Кори Гауффпен кездеседі.

7-14 тамыз аралығында Өзбекстан астанасындағы құрлық біріншілігінде қазақстандық ауыр атлеттер кезекті рет ел қоржынына жүлде салды. Бәсекесі жоғары 85 келіге дейінгі салмақ дәрежесінде Қазақстанның бірден екі өкілі үздік үштіктен көрінді.

Ақжол Құрманбек қоссайыс қорытындысында 358 келі көтеріп, жарыс жеңімпазы атанды. Зілтемірші жұлқа көтеруде 160, серпе көтеруде 198 келіні бағындырды. Оның басты қарсыласы өзбекстандық Хикматилло Хайдаров небәрі бір келіге қалып, күміс жүлдені қанағат тұтты.

85 келідегі үздік үштік

1. Ақжол Құрманбек (Қазақстан) – 358 кг (160+198). 2. Хикматилло Хайдаров (Өзбекстан) – 357 кг (161+196). 3. Ерасыл Сәулебеков (Қазақстан) – 351 кг (154+197).

Ақжол Құрманбектің Ташкенттегі жеңісі тек алтын медальмен шектелген жоқ. Ол жұлқа көтеру мен қоссайыс бойынша Азияның екі жаңа рекордын орнатты. Бұл нәтиже жас атлеттің халықаралық деңгейдегі кезекті ірі жетістігіне айналды.

Айта кетейік, 2025 жылы Астанада өткен Азия чемпионатында Құрманбек чемпиондық атақсыз қалған. Ол кезде алтын жүлдені отандасы Едіге Емберді жеңіп алды.

Ақжол Құрманбек 2007 жылы 7 желтоқсанда Жетісу облысының Сарқан қаласында дүниеге келген. Оның жеке бапкері – Сергей Седов.

Спортшының негізгі жетістіктері:

Ерасыл Сәулебеков 2006 жылы 27 қарашада Қызылорда облысының Қармақшы ауылында дүниеге келген. жеке бапкері – Айдар Ералиев.

Қазақстандық ауыр атлет бұған дейін бірнеше ірі халықаралық жарыста жүлдеге қол жеткізген:

Еуропада мансабының жаңа кезеңін бастаған Бехруз Каримов клубтың Instagram парақшасында жарияланған видеода өзін таныстырып, алдағы маусымға қатысты әсерін бөлісті.

“Сәлем, “Лугано” жанкүйерлері! Менің атым – Бехруз Каримов. Осындай керемет клубтың сапында ойнайтын сәтті асыға күтіп жүрмін. Форца, “Лугано”!”, – деді футболшы.

19 жастағы қорғаушы 10 тамызда Термездің “Сурхан” клубынан швейцариялық “Луганоға” ресми түрде ауысты. Тараптар ұзақмерзімді келісімге келіп, Каримовтың жаңа клубпен келісімшарты 2031 жылдың 30 маусымына дейін жарамды болды.

Бехруз Каримов Өзбекстан құрамасының 2026 жылғы футболдан әлем чемпионатындағы дебюттік додасына да қатысты.

Оң қапталдағы қорғаушы топтық кезеңде екі кездесуде алаңға шығып, жалпы 179 минут ойнады. Каримов құрама сапындағы ең жас футболшы болғанына қарамастан екі матчта да негізгі құрамнан орын алды. Колумбияға қарсы кездесуде толық 90 минут өткізіп, ал Португалиямен ойында 89-минутта алмастырылды.

Каримов әлем чемпионатындағы матчтарда қорғаныста белсенділігімен көзге түсті. Екі кездесуде допты 15 рет қайта иемденіп, сондай-ақ сәтті дриблинг көрсеткіші бойынша командадағы үздік ойыншылардың бірі атанды.

Бүгін Дастан Сәтпаев кәмелет жасына толды. Осы айтулы күнге байланысты оның отбасы мүшелері әлеуметтік желі арқылы құттықтауларын жолдап жатыр.

Бұл жолы футболшыға ағасы Дархан Сәтпаев арнайы жазба арнады. Ол Instagram Stories парақшасында Дастанның кішкентай кезіндегі архивтік фотосын жариялады.

“Туған күніңмен, қаным бір бауырым”, – деп жазды Дархан Сәтпаев.

Жарияланған суретте Дастанның бала кезі бейнеленген.

Бұған дейін Дастан Сәтпаевты анасы Мәдина Сәтпаева мен інісі Темірхан Сәтпаев та туған күнімен құттықтаған. Олар да Instagram желісінде футболшымен бірге түскен ескі суреттерін бөлісіп, Дастанға жүрекжарды тілектерін арнады.

Осылайша қазақстандық шабуылшы 18 жасқа толып, өміріндегі жаңа кезеңге қадам басты.

Қазақстан футболының жас жұлдызы Дастан Сәтпаев бүгін кәмелет жасына толды. Осыған байланысты футболшының отбасы оны туған күнімен құттықтап, әлеуметтік желіде бұрын жарияланбаған отбасылық кадрларын жариялады. 

Дастанның анасы Мәдина Сәтпаева Instagram Stories парақшасында ұлымен бірге түскен архивтік суретті жариялады.

“Дастан, жүрегім менің, туған күніңмен. Сені жақсы көремін”, – деп жазды анасы.

Жылы лебіз жазылған сурет жанкүйерлердің де назарын аударды.

Дастан Сәтпаевтың туған күніне орай оның інісі Темірхан Сәтпаев та ағасына арнайы жазба арнады. Ол Instagram Stories-те Дастанмен бірге түскен ескі суретін жариялап:

“Туған күніңмен, бауырым”, – деп қысқа әрі әсерлі құттықтауын жеткізді.

Осылайша Сәтпаевтар отбасы футболшының өміріндегі маңызды күнді архивтік фотолар мен жылы тілектер арқылы атап өтті.

Өзбекстан астанасында ауыр атлетикадан жастар мен жасөспірімдер арасында Азия чемпионаты жалғасып жатыр. Қыздар арасында 69 келіге дейінгі салмақ дәрежесінде Қазақстан құрамасының өкілдері қос жүлдеге ие болды.

Junior санатында Ақмола облысының тумасы Кира Данилова қоссайыс қорытындысы бойынша 213 келіні еңсеріп, Азия чемпионатының күміс медалін жеңіп алды.

Нәтижелер:

1. Шахноза Хайдарова (Өзбекстан) – 220 кг (99+121). 2. Кира Данилова (Қазақстан) – 213 кг (98+115). 3. Хание Шарифи Седех (Иран) – 211 кг (91+120).

Youth санатында Жетісу облысының өкілі Маргарита Ермакова қоссайыста 211 келі көтеріп, үздік үштікті түйіндеді.

Бұл бәсекеде өзбекстандық Шахноза Хайдарова 220 келімен чемпион атанса, оның отандасы Нурхаёт Кобилова 212 келі нәтижемен күміс жүлдеге ие болды. Ермакова 211 келімен қола медаль еншіледі.

Бұл нәтиже Кира Данилова үшін жасөспірімдер емес, юниорлар арасындағы Азия чемпионатындағы алғашқы жүлде болды. Бұған дейін қазақстандық ауыр атлет 2024 жылғы құрлық біріншілігінде алтыншы, ал 2025 жылы төртінші орын алған еді.

Маргарита Ермакова үшін де Ташкенттегі жарыстың орны ерекше. Ол мансабында алғаш рет халықаралық жарыста қоссайыс қорытындысы бойынша жүлде місе тұтты.

Кира Данилова 2008 жылы 8 шілдеде Көкшетауда дүниеге келген. Жеке бапкері – Сергей Шевченко.

Қазақстандық атлет бұған дейін де ірі халықаралық жарыстарда ел намысын абыроймен қорғап жүр. 2024 жылы жастар арасындағы Азия чемпионатында 71 келі салмақта күміс жүлдеге ие болды. 2025 жылы жастар арасындағы әлем чемпионатының қола медалін алып, сол жылы 69 келіде жастар арасындағы Азия чемпионы атанды.

Оңтүстік Америка футболында күтпеген оқиға тіркелді. "Сан-Паулу" клубының автобусы Боливияға бара жатқан жолда есірткі тасымалына қатысты тексеріске іліккен. Құқық қорғаушылар көліктен 86,5 келі марихуана тауып, үш адамды қамауға алды.

Ақпаратқа сәйкес, есірткі тасымалын ұйымдастырғандар "Сан-Паулу" логотипі бар автобусты полиция тексермейді деп ойлаған.

Алайда полиция көлікті бәрібір тексеріп, заңсыз заттарды анықтады. 

Бразилиялық клубтың бұл жағдайдан хабары болмаған.

Оқыс оқиғаға байланысты клубқа Боливияға сапарын жалғастыру үшін басқа автобус берілді. Қазіргі таңда құқық қорғау органдары оқиғаның мән-жайын анықтап жатыр.

Жуырда қазіргі бессайыстан 19 жасқа дейінгі спортшылар арасындағы әлем чемпионаты өтеді. Байрақты бәсеке биыл Испания астанасы Мадрид қаласында ұйымдастырылады. 22-28 тамыз күндеріне жоспарланған жарысқа Қазақстан атынан жеті спортшы бақ сынайды. 

U19 әлем чемпионатына Қазақстан құрамасы сапынан мына спортшылар барады:

U19 әлем чемпионаты қазақстандық спортшылар үшін халықаралық деңгейде тәжірибе жинап, өз әлеуетін көрсетуге маңызды мүмкіндік болмақ.

Мадридтегі жарыста Қазақстан құрамасы қазіргі бессайыстың бірнеше бағыты бойынша бәсекеге түседі.

Орта салмақтағы WBC чемпионы Карлос Адаместің келесі қарсыласына қатысты жағдай өзгерді. Журналист Дэн Рафаэльдің мәліметінше, WBC Адамеске WBO белбеуінің иегері Дензел Бентлимен біріктіру жекпе-жегін өткізуге рұқсат бермеген.

WBC шешіміне сәйкес, Карлос Адамес келесі жекпе-жегінде Хесус Рамос пен Мейірім Нұрсұлтанов айқасының жеңімпазымен кездесуі керек.

Хесус Рамос қазіргі уақытта WBC тұжырымы бойынша орта салмақтағы уақытша әлем чемпионы саналады. Ал қазақстандық Мейірім Нұрсұлтанов осы титулға ресми үміткер ретінде рингке шығады.

Карлос Адамес WBC титулын соңғы рет наурыз айында қорғады. Ол Остин Уильямсқа қарсы жекпе-жекте төрешілердің бірауыздан қабылдаған шешімімен жеңіске жеткен болатын. 

Мейірім Нұрсұлтанов пен Хесус Рамос арасындағы жекпе-жек 19 қыркүйек күні АҚШ-та өтеді.

Айқас Калифорния штатындағы Сан-Диего қаласында ұйымдастырылады.

Қазақстандық шабуылшы Максим Самородов Мәскеудің "Спартак" клубына ауысуы мүмкін. "Ахмат" өкілі футболшының трансфері бойынша мәскеулік клубпен келіссөздер бұрын болғанын және алдағы уақытта қайта жалғасуы мүмкін екенін мәлімдеді.

Десе де, грозныйлық клубтың спорт директоры Руслан Газзаев қазіргі уақытта "Спартакпен" нақты келіссөз жүріп жатпағанын айтты.

"Бүгінгі таңда "Спартакпен" ешқандай келіссөз жоқ, бірақ олар бұрын болған. Трансфер әртүрлі себептерге байланысты жүзеге аспады. Мүмкін, осы трансферлік терезеде немесе қысқы кезеңде ортақ мәміліге келерміз. Біз оған дайынбыз. Егер "Спартак" келіссөзді жалғастырғысы келсе, клубтар ортақ шешімге келеді деп үміттенемін. Бірақ бүгінгі күні келіссөз жоқ", — деді Газзаев.

Бұған дейін мәскеулік клуб қазақстандық шабуылшы бойынша бірнеше ұсыныс жасағаны хабарланды.

Журналист Анар Ибрагимовтың мәліметінше, соңғы ұсыныс бонуспен бірге 8 миллион еуроны құраған.

БАҚ мәліметтеріне сүйенсек, Максим Самородовтың "Спартакпен" жеке келісімшарт талаптары келісілген.

Колумбияда футболдан ел чемпионаты табиғи апатқа байланысты уақытша тоқтатылды.

Жаңа маусым енді басталған еді. Командалар әзірге төрт тур ғана өткізіп үлгерген. Алайда елдегі күрделі жағдайға байланысты осы аптадағы матчтарды өткізбеу туралы шешім қабылданды.

Колумбияның Кәсіби футбол лигасы бұл шешімнің басты мақсаты жер сілкінісінен зардап шеккен азаматтарға қолдау көрсету екенін мәлімдеді.

Лига құрамындағы 36 клуб апат болған өңірлерге көмек жеткізу және қалпына келтіру жұмыстарына қатыспақ.

Лига елдегі жағдайға байланысты арнайы мәлімдеме жасады.

"Бүгін футбол күте алады, ал Колумбия бізге мұқтаж", — делінген ұйымның хабарламасында.

Жойқын жер сілкінісі Колумбияның Чоко департаментіндегі Сан-Хосе-дель-Пальмар қаласына жақын маңда тіркелді.

Жер асты дүмпуінің магнитудасы 7,4 балға жеткен. Алдын ала мәлімет бойынша, табиғи апат салдарынан 111 адам қаза тапты. Ең көп зардап шеккен қалалардың қатарында Перейра мен Манисалес бар.

Француз футболында Зинедин Зиданның кіші ұлы Эльяздың дебюті көпшіліктің назарын аударды. "Ред Стар" сапында алғаш рет алаңға шыққан 20 жастағы қорғаушының жейдесінде әкесінің тегі емес, тек "Эльяз" есімі жазылған. Бұл шешім баспасөз тарапынан болатын қысымды азайту үшін қабылданған. 

Француз БАҚ-тарының мәліметінше, жейдеден Зидан тегін алып тастау туралы шешімді клубтың бапкерлер штабы қабылдаған.

Эльяз Франциядағы алғашқы матчтарының бірінде жақсы қырынан көрінді.

"Ред Стар" "Нантты" 1:0 есебімен жеңген кездесуде 20 жастағы қорғаушы Кевин Кабралға нәтижелі пас берді.

Flashscore порталы Эльязды осы кездесудің үздік ойыншысы деп таныды. Ол бұл матчта 8,5 деген жоғары баға алды. 

Айта кетейік, Эльяз — Зинедин Зиданның төрт ұлының ең кенжесі.. Мадридтік "Реал" академиясының түлегі. Ол 2026 жылдың шілде айында севильялық "Бетистен" Францияның "Ред Стар" клубына ауысты.

Мадридтік "Реалда" жаңа маусым алдында құрамды қысқарту мәселесі күн тәртібіне шықты. Франциялық Le Parisien басылымының хабарлауынша, Жозе Моуринью кемінде үш футболшымен қоштасуды жоспарлап отыр. Дереккөз мәліметіне сәйкес, "Реал" Эдуарду Камавинганы сату нұсқасын қарастырып жатыр.

Мадридтік клуб 23 жастағы француз жартылай қорғаушысы үшін шамамен 50 миллион еуро көлемінде ұсыныс түссе, трансферді талқылауға дайын. Жозе Моуриньюдің пікірінше, маусым басталардан бір апта бұрын "Реалдың" құрамы тым үлкен болып отыр.

Камавинга өткен маусымдағы тұрақсыз ойыны үшін сынға ұшыраған. Ол негізгі құрамнан тұрақты орын ала алмады және клуб басшылығы футболшының прогресі баяулады деп санайды.

Сонымен қатар, "Реалдың" орталық алаңындағы өте жоғары бәсеке. Бұл аймақта Орельен Тчуамени, Федерико Вальверде және Джуд Беллингем секілді ойыншылар бар.

Камавинганың ықтимал кетуі "Реал" киім ауыстыру бөлмесінде жылы қабылданбағаны хабарланды.

Әсіресе бұл жаңалық Килиан Мбаппеге ауыр тиген. Камавинга — оның "Реалдағы" жақын достарының бірі әрі Франция құрамасындағы әріптесі.

Эдуарду Камавинга соңғы бес жыл бойы "корольдік клубтың" намысын қорғап келеді.

Ол осы уақыт ішінде командамен бірге маңызды турнирлерде өнер көрсетті. Алайда жаңа маусым алдында оның Мадридтегі болашағы белгісіз болып қалды.

"Реал" жаңа Ла Лига маусымын 26 тамыз күні бастайды.

Мадридтік клуб алғашқы турда өз алаңында "Реал Сосьедадты" қабылдайды. Осы матчқа дейін Моуринью құрамдағы артық ойыншылар мәселесін шешуді көздеп отыр.

Алдағы сенбі күні Филадельфияда UFC 330 турнирі өтеді. Жартылай орта салмақтағы чемпион Ислам Махачев алғаш рет жаңа дивизиондағы белбеуін қорғайды. Оның қарсыласы — ирландиялық Иэн Гэрри.

Егер ресейлік файтер жеңіске жетсе, бұл оның қатарынан 17-ші жеңісі болады. Осылайша Махачев Андерсон Силваның әйгілі сериясынан асып түседі.

UFC президенті Дана Уайт Махачевтің рекорд жаңарту мүмкіндігіне қатысты пікір білдіріп, жекпе-жекке дейін нақты қорытынды жасауға асықпайтынын айтты.

"Мен бұл туралы жекпе-жекке дейін ойлағанды ұнатпаймын. Алдымен оның сенбідегі өнерін көрейік. Октагонда не болатынын және қалай болатынын көрейік", — деді Уайт.

Дана Уайттың сөзінше, мұндай деңгейдегі рекордқа жету үшін спортшы ұзақ уақыт бойы тоқтамай еңбек етіп, қарсыластарын бірінен соң бірін жеңуі қажет.

"Рекордты бұзу үшін тынымсыз жұмыс істеу, жекпе-жек өткізуді жалғастыру және қарсыластарды жеңе беру керек. Бір күні ғана: «Жігіттер, болды, маған жетеді», — дейтін сәт келеді. Міне, сол кезде оның мансабына толық баға беруге болады", — деді UFC басшысы.

Сент-Луисте әйелдер арасындағы беделді шахмат турнирлерінің бірі — Cairns Cup 2026 жалғасып жатыр. Жалпы жүлде қоры 250 мың долларды құрайтын жарыста Қазақстан намысын Бибісара Асаубаева қорғауда.

Екінші турда Бибісара Асаубаеваның қарсыласы Үндістан өкілі Вайшали Рамешбабу болды.

Қазақстандық гроссмейстер бұл партияда ақ фигурамен ойнады. Кездесу жеңімпазды анықтамады және тең нәтижемен аяқталды.

Вайшали Рамешбабу қазіргі таңда ФИДЕ рейтингінде 14-орында орналасқан.

Ал Бибісара Асаубаева әлемдік рейтингте бесінші сатыда тұр. Осылайша турнирдің екінші турында жоғары деңгейлі екі шахматшы өзара ұпай бөлісті.

Еске салайық, Cairns Cup 2026 турнирінің алғашқы турында Бибісара Асаубаева украиналық Анна Музычукпен ойнаған болатын.

Екі тур қорытындысы бойынша Бибісара Асаубаеваның еншісінде 1 ұпай бар.

Турнир кестесінде қытайлық Тань Чжунъи мен америкалық Элис Ли 2 ұпаймен көш бастап тұр. Отандасымыз әзірге үшінші орында келеді. 

Бибісара Асаубаева турнирдің қалған бөлігінде бірнеше мықты қарсыласпен кездеседі.

Қазақстанның бірінші ракеткасы Елена Рыбакина Торонто қаласындағы беделді турнирде сәтті өнер көрсетіп жатыр. Әлемдік рейтингте екінші орында тұрған теннисші ширек финалда жапониялық Наоми Осаканы жеңіп, жартылай финалға жолдама алды.

Тартысты өткен матч үш сетке созылды. Қазақстандық теннисші алғашқы партияда 4:6 есебімен есе жібергенімен, кейін ойынды өз пайдасына бұра алды.

Кездесу 4:6, 7:6 (7:5), 6:4 есебімен Рыбакинаның жеңісімен аяқталды.

Торонто турнирінің жартылай финалына шығу арқылы Елена Рыбакинаға 297 315 доллар сыйақы алады.

Бұған қоса қазақстандық спортшы WTA рейтингіндегі қоржынына 390 ұпай қосады. 

Торонто WTA 1000 турнирінің жалпы жүлде қоры 7 433 076 долларды құрайды.

Жарыс жеңімпазы 1 085 220 доллар алады. Сонымен қатар чемпионға 1000 рейтингтік ұпай беріледі.

Франция құрамасының бұрынғы жартылай қорғаушысы Поль Погбаның "Монакодағы" болашағы бұлыңғыр. Nice-Matin мәліметінше, монегаскілер ойыншымен келісімшартты мерзімінен бұрын бұзу мәселесін талқылап жатыр.

Дереккөз ақпаратына сәйкес, "Монако" басшылығы Поль Погбаға қазіргі келісімшартты тоқтатқысы келетінін жеткізген.

Қазір тараптар қаржылық келісімнің шарттарын талқылап жатыр. Клуб футболшыға 2027 жылдың жазына дейін есептелген келісімшарттағы қалған жалақысын төлеуі мүмкін.

"Монако" Погбамен қоштасу нұсқасын 2025 жылдың соңында да қарастырған еді. Алайда сол кезде француз футболшысы клуб басшылығын өзіне қосымша уақыт беруге көндірген. Ол жарақаттан толық айығып, бұрынғы деңгейіне оралуға үміттенген.

Айта кетейік, Поль Погба "Монако" сапына 2025 жылдың жазында қосылды. Бірақ содан бері жартылай қорғаушы команда үшін маңызды ойыншыға айнала алмады. Погба бар болғаны алты матчқа қатысты. 

Ширек финалда Елена Рыбакина әлемдік рейтингте 13-орында тұрған Наоми Осакамен кездесті. Үш сетке созылған тартысты матчта қазақстандық теннисші 4:6, 7:6, 6:4 есебімен жеңіске жетті. Матч 2 сағат 36 минутқа созылды.

Финалға шығу жолында Елена әлемнің төртінші ракеткасы Кори Гауффпен кездеседі. АҚШ өкілімен болатын кездесу турнирдің финалистін анықтайды. Рыбакина бұған дейін Canadian Open-2026 жарысында Австралия спортшысы Дарья Касаткинаны 6:3, 5:7, 6:4 есебімен жеңген.

Биылғы Торонто WTA 1000 турнирінің жүлде қоры 7 433 076 АҚШ долларын құрайды. Жекелей сында жеңімпаз атанған теннисші 1 085 220 доллар сыйақы мен 1000 рейтингтік ұпайға ие болады.

Қазақстандық шахматшы Бибісара Асаубаева АҚШ-тағы беделді әйелдер турнирін сәтті бастады. Сент-Луисте өтіп жатқан Cairns Cup-2026 жарысының бірінші турында ол Украина өкілі Анна Музычукпен кездесті.

Алғашқы турда Бибісара Асаубаева қара фигурамен өнер көрсетті.

Қазақстандық шахматшы әлемдік рейтингте жетінші орында тұрған Анна Музычукке қарсы ойында жеңіліске жол бермей, партияны тең нәтижемен аяқтады.

36 жастағы Анна Музычук — әйелдер шахматындағы ең тәжірибелі ойыншылардың бірі.

Украиналық шахматшы блицтен екі дүркін әлем чемпионы атанған. Сонымен қатар ол рапидтен әлем чемпионы, классикалық шахматтан әлем вице-чемпионы және Украина құрамасы сапында Дүниежүзілік шахмат олимпиадасының жеңімпазы болған.

Cairns Cup — әйелдер арасындағы әлемдегі ең мықты айналмалы турнирлердің бірі.

Бұл жарысқа дәстүрлі түрде әлемнің жетекші шахматшылары шақырылады. Биылғы турнир АҚШ-тың Сент-Луис қаласында өтіп жатыр.

Cairns Cup-2026 турнирінің жалпы жүлде қоры 250 мың долларды құрайды.

Жарыс жеңімпазы 60 мың доллар көлемінде бас жүлде алады. Турнир тамыз айының ортасына дейін жалғасады.