Универсиададағы хоккей матчы Қазақстан үшін сенсациямен аяқталды
Хоккейден Қазақстан ерлер құрамасы Универсиада ойындарының ширек финалында Словакиядан жеңіліп қалды.
Қазақстан бұл кездесуде айқын фаворит деп танылған. Бірақ словакиялықтарға 1:2 есебімен жол берді.
Осылайша жартылай финалдан тыс қалған хоккейшілеріміз жұбанышты турнирде өнер көрсетпек. Өз кезегінде Словакия ақтық кездесу жолдамасын Украинамен сарапқа салады.
Еске сала кетсек, Қазақстан топтық кезеңде Швеция (9:2) мен Оңтүстік Кореяның (7:1) тас-талқанын шығарып, Канада (3:4 буллиттер бойынша) мен Чехиядан (1:3) жеңілген.
Жарнама
Жарнама