Юлия Путинцева Швециядағы турнирдің ширек финалына шықты
Қазақстанның екінші ракеткасы Юлия Путинцева Швецияның Бостад қаласында өтіп жатқан WTA 125 санатындағы турнирдің ширек финалына жолдама алды.
Әлемдік рейтингте 84-орында тұрған қазақстандық теннисші 1/8 финалда сербиялық Лола Радивоевичпен (WTA №148) кездесті. Екі сағат бес минутқа созылған матчта Путинцева 6:4, 7:5 есебімен жеңіске жетіп, келесі кезеңге өтті.
Ширек финалда кіммен ойнайды?
Жартылай финалға шығу үшін Юлия Путинцева австриялық Синья Крауспен (WTA №93) кездеседі.
Бостадтағы WTA 125 турнирі 6-11 шілде аралығында өтіп жатыр. Жарыстың жалпы жүлде қоры 115 мың АҚШ долларын құрайды. Турнир жеңімпазы 125 рейтингтік ұпай мен 15 500 доллар көлеміндегі жүлдеге ие болады.
Жарнама
Жарнама