UFC жұлдызының шақыруына "Канелоның" жауабы жанкүйерлерді таңқалдырды
35 жастағы мексикалық боксшы, екінші орта салмақтағы абсолютті әлем чемпионы Сауль "Канело" Альварес UFC-дің 70 келіге дейінгі салмақтағы қазіргі чемпионы, әзірге жеңілмеген Илия Топурияның шақыруына жауап берді.
“Канелоның” жауабы
Альварестің айтуынша, мұндай жекпе-жектің өтуі тек оның шешіміне байланысты:
“Ешкім мені жай ғана қарсыластар тізіміне қоса алмайды. Мен өзім таңдағандарды ғана кіргіземін. Ал Топуриямен жекпе-жек өткізу – тек менің қалауымда. Қазіргі уақытта ондай жоспар жоқ. Менің бар назарым 100% Кроуфордқа аударылған”, – деді Альварес Marca басылымына.
Контекст
- Илия Топурия – UFC тарихындағы ең қауіпті жеңіл салмақ иелерінің бірі. Ол чемпиондық белдігін қорғап, енді бокс әлеміне қадам жасағысы келетінін жасырмайды.
- Сауль Альварес – қазіргі бокстың басты жұлдыздарының бірі. Оның кез келген айқасы миллиондаған көрермен мен қаржылай табысқа кепіл.
Жарнама
Жарнама