Қазақстандық боксшылар III ТМД елдері ойындарынан екі алтын жеңіп алды
Әзірбайжанның Евлах қаласында орналасқан Олимпиада орталығында бокстан III ТМД елдері ойындарының қыздар арасындағы финалдары өтті.
Бұл сында финалға шыққан 2 боксшымыз қарсыласын ұтып, әнұранымызды шырқатты.
-60 кг, финал:
Жасмин Абрамян – Айнұр Исмаилова (Әзірбайжан). Есеп: 5-0.
-66 кг, финал:
Диляра Тұрсынбек – Лустина Ануфриева (Ресей). Есеп: 5-0.
Сонымен қатар тағы 5 былғары қолғап шеберіміз қола жүлдеге ие болды. Олар:
Асылай Мұрат (-48 кг)
Аружан Тіллабай (-52 кг)
Аделаида Садвакасова (-54 кг)
Балым Ғабитқызы (-57 кг)
Мадина Нұрманова (-63 кг)
Қазақстан командасының аға жаттықтырушысы – Айбек Әбілда. Енді бүгін ұлдар арасында бір отандасымыз Едіге Нұрқожа (-52 кг) бас жүлдеге таласады.
Жарнама
Жарнама