Головкиннің бұрынғы бапкері енді Садриддинді жаттықтырып жүр
Оны әлеуметтік желіде жарияланған жазбадан байқауға болады.
Бірінші орта салмақ дәрежесінде өнер көрсететін қазақстандық былғары қолғап шебері Садриддин Ахмедов (14-0, 12 КО) алдағы жекпе-жегіне қызу дайындық үстінде.
Жуырда ол өзінің Instagram парақшасында залда жаттығып жатқан видеосын жариялады. Бір қызығы, бұл видеодан Ахмедовке Геннадий Головкиннің бұрынғы бапкері - Абель Санчестің көмектесіп жүргенін көруге болады.
Сонымен қатар, Садриддиннің промоутерлік ісін танымал маман Том Леффлер жүргізеді. Ол да кезінде кезінде Головкинмен тығыз жұмыс істеген болатын.
Айта кетейік, Ахмедов 13-ші желтоқсан күні Санта-Инеседе рингке шығады. BoxRec.com мәліметінше, оның қарсылас америкалық Рафаэль Игбокве (17-5, 7 КО) болады.
Жарнама
Жарнама