Александр Бублик тарих жазды
Қазақстанның бірінші ракеткасы Александр Бублик Гонконгтағы ATP турнирінде топ жарып, отандық теннис тарихына тағы бір маңызды белгі қойды.
Әлемдік рейтингте ATP-дің 11-орнында тұрған Бублик финалда Италия өкілі Лоренцо Музеттиді (№7) екі сетте жеңді. Есеп: 7:6, 6:3.
Финалдық матч өте тартысты өтті. Бірінші сет тай-брейкте шешіліп, Александр маңызды ұпайларда мінсіз ойнады.
Гонконгтағы титулдың ең үлкен жаңалығы — жаңартылған ATP рейтингінде Александр Бублик топ-10-ға енеді. Бұған дейін ерлердің жекелей сынында қазақстандық теннисшілердің ешқайсысы мұндай деңгейге көтерілмеген.
Яғни, Бублик Қазақстан теннисі үшін тарихи топ-10 нәтижесіне қол жеткізеді. Әлемнің үздік ойыншыларымен бір қатарда тұрады.
Александр Бублик чемпиондыққа дейін бірнеше мықты қарсыласты қапы қалдырды. Турнир барысында ол:
- Ботик ван де Зандшульп (Нидерланды, №75) — 6:3, 6:3
- Шан Цзюнчэн (Қытай, №406) — 6:1, 7:6
- Маркос Гирон (АҚШ, №64) — 3:6, 6:4, 6:2