Михаил Кукушкин Франциядағы турнирдің ширек финалына өтті
Отандасымыз екінші айналымда жергілікті теннисшіден басым түсті.
Әлемнің 111-ші ракеткасы Михаил Кукушкин Брессюир (Франция) челленджер турнирінің ширек финалына шықты.
Жарыстың 6-шы ракеткасы болып белгіленген Кукушкин екінші айналымда франциялық Грегуар Баррерді ойсырата жеңді. Қорытынды есеп – 6:1, 6:3.
Енді жерлесіміз жартылай финалға шығу үшін рейтингіде 199—шы орында тұрған ресейлік Алибек Качмазовпен күш сынасады.
Жуырда ғана Алматы ATP 250 турнирінің іріктеу сайысында Кукушкин Качмазовты 6:1, 6:2 есебімен жеңген еді.
Бұл туралы не ойлайсыз?