Елена Рыбакина мен сенсация жасаған теннисші арасындағы матч екі сетке созылды
Қазақстандық теннисші Елена Рыбакина (WTA рейтингтегі орны 7) Дохадағы турнирдің үшінші айналымында словакиялық Ребекка Шрамковаға (46-орын) қарсы ойнады.
Рыбакина екі партия қорытындысында — 7:6, 6:2 есебімен жеңіс тойлады. Кездесу 1 сағат және 26 минутқа созылды.
Енді қазақстандық теннисші ширек финалда өнер көрсетеді. Оның бұл кезеңдегі қарсыласы польшалық Ига Швёнтек (2-орын) пен Чехия өкілі Линда Носкова (33-орын) арасындағы жеңімпаз болады.
Еске сала кетейік, Елена Рыбакина алдыңғы кезеңде америкалық Питон Стирнсті(47-орын) оңай тізе бүктірсе, ал Ребекка Шрамкова ресейлік Мирра Андрееваны (15-орын) күтпеген жерден қапы қалдырған.
Бұл туралы не ойлайсыз?