Жәнібек Әлімханұлы Александр Усикке қолдау білдірді
Әлімханұлы Усиктің Фьюриді нокаутқа түсіретініне сенімді.
Қазақстандық боксшы Жәнібек Әлімханұлы Эр-Рияд қаласына ұшып барып, украиналық Александр Усикпен кездесті.
Қазақстандық кәсіпқой боксшы Усикке британдық Тайсон Фьюримен өтетін реваншта жеңіс тіледі.
“Саған сәттілік, бауырым. Мен оның нокаутқа түсетініне сенемін”, – деп жазды Жәнібек Х әлеуметтік желісінде.
Еске сала кетейік, Александр Усик пен Тайсон Фьюри арасындағы реванш 21-нен 22 желтоқсанға қараған түні Сауд Арабиясының Эр-Рияд қаласында өтеді. Бұл жекпе-жекте Усикке тиесілі WBC, WBO, WBA және IBO нұсқалары бойынша әлем чемпионы титулдары сарапқа салынады.
Усик пен Фьюри бұл жекпе-жектен жалпы 150 миллион фунт стерлинг табыс табады. Негізгі бөлігі украиналық боксшыға тиесілі болады, алайда қаражаттың нақты қалай бөлінетіні әзірге белгісіз. Бірінші жекпе-жек үшін қос боксшы шамамен 85 миллион фунт стерлинг алған еді.