Бапкері Эдуард Базров шәкіртінің ұзақ үзіліссіз жекпе-жекке шыққанын қалайды.
Қазақстандық UFC файтері Асу Алмабаевтың октагонға қашан оралатын уақыты белгілі бола бастады. Оның жеке бапкері, “Зульфикар” клубының жетекшісі Эдуард Базров шәкіртін 26 шілдеде Әбу-Дабиде өтетін UFC турнирінде көргісі келетінін мәлімдеді.
“Иә, біз шілде айында жекпе-жекке шыққымыз келеді. Үзіліс жасап, уақыт жоғалтқымыз келмейді. Әзірге келісімшартқа қол қойылған жоқ, қарсыласымыз да белгісіз. Бірақ бізде жарысқа деген ниет бар. Үлкен ықтималдықпен Әбу-Дабиде боламыз”, — деді Базров.
Асу Алмабаев қазір физикалық тұрғыда жақсы формада. Ол келесі жекпе-жекке дайындықты бастап кеткен. Бұл туралы “Спорт Шредингера” басылымы хабарлады.
Еске салайық, Асу Алмабаев 2025 жылдың наурызында Лас-Вегаста өткен UFC турнирінде бас кардты бастап шыққан тұңғыш қазақстандық спортшы атанды. Дегенмен бұл кеште ол Манель Капеден нокаутпен UFC-дегі алғашқы жеңілісіне ұшырады.
