Футболдан Қазақстан ұлттық құрамасының қараша айындағы ойындарға арналған соңғы құрамы бекітілді.
Басты жаңалықтардың бірі — Бақтиер Зайнутдиновтың құрамнан шығарылуы. Команданың үздік сұрмергені денсаулығына байланысты ойындарға қатыспайды. Ол соңғы апталарда ресейлік «Динамо» (Мәскеу) сапында да алаңға шықпаған.
Әлем чемпионаты–2026 іріктеу кезеңінің соңғы матчында Қазақстан құрамасы 15 қараша күні «Астана Аренада» Бельгиямен кездеседі.
Ал 18 қарашада Хорватияда Фарер аралдарына қарсы жолдастық кездесу өтеді.
Бас бапкердің міндетін атқарушы Талғат Байсұфинов қараша айындағы кездесулерге арналған 4 қақпашы мен 27 ойыншының тізімін жария етті.
Қақпашылар:
Темірлан Анарбеков («Қайрат»), Мұхамеджан Сейсен («Астана»), Бекхан Шайзада («Ордабасы»), Қажымұқан Төлепберген («Оқжетпес»).
Қорғаушылар:
Сергей Малый, Сағадат Тұрсынбай, Сұлтанбек Астанов (бәрі – «Ордабасы»), Әлібек Қасым, Бағдат Қайыров, Талғат Құсяпов (бәрі – «Ақтөбе»), Ян Вороговский («Астана»), Нұралы Әліп («Зенит», Ресей), Наурызбек Жағоров («Тобыл»), Еркін Тапалов («Қайрат»), Әділбек Жұмаханов («Елімай»), Әрсен Әшірбек («Оқжетпес»).
Жартылай қорғаушылар:
Дәурен Жұмат («Оқжетпес»), Дінмұхамед Қараман («Жеңіс»), Рамазан Оразов, Жан Әли Пайруз, Алмас Төлеубай, Ғалымжан Кенжебек (бәрі – «Елімай»), Ислам Чесноков («Тобыл»), Муроджон Халматов («Ордабасы»), Дамир Қасаболат («Қайрат»), Георгий Жуков («Ақтөбе»).
Шабуылшылар:
Оралхан Өміртаев («Ақтөбе»), Максим Самородов («Ахмат», Ресей), Эльхан Астанов («Ордабасы»), Дастан Сәтпаев («Қайрат»), Иван Свиридов («Елімай»), Рамазан Кәрімов («Астана»).