Орталық стадион техникалық және қауіпсіздік талаптарына сай болмай шыққан.
Алматының Орталық стадионы УЕФА инспекциясынан кейін 81 ескерту алғаны белгілі болды. «Қайрат» бақылау кеңесінің төрағасы Қайрат Боранбаев нысанның техникалық және қауіпсіздік талаптарына сай еместігін мойындады.
YouTube-арнасы Baitassov Live бағдарламасына сұхбат берген Қайрат Боранбаев УЕФА өкілдері Алматыдағы Орталық стадионды егжей-тегжейлі тексеріп, ондаған ескерту жасағанын айтты.
«Барлығы біледі — біздің стадион ескірген. Физикалық жағынан да, моральдық тұрғыдан да. “Селтикке” қарсы ойында матчты УЕФА ұйымдастырды. Сол кезде олардың комиссары келіп, барлық талапты тексеріп шықты. Нәтижесінде бізге 81 ескерту жасалды. Бұл, әрине, өте көп», — деді Боранбаев.
Кәсіпкердің айтуынша, клуб УЕФА инспекциясынан кейін бірден жұмысқа кірісіп, екі күн ішінде бірқатар кемшілікті жойған.
«Біз екі күн бойы сол мамандармен бірге жұмыс істедік. Соның нәтижесінде ескертулер санын 81-ден 21-ге дейін қысқарттық. УЕФА үшін ең маңыздысы — қауіпсіздік. Олар стадионға артық адам кіргізуге қарсы, әсіресе өту жолдарының бос болуын қатал бақылайды», — деп түсіндірді ол.
Боранбаевтың сөзінше, «Қайрат» УЕФА стандарттарына сай болу үшін инфрақұрылымдық және ұйымдастырушылық өзгерістерді жалғастыруда. УЕФА талаптары бойынша, Еуропа ареналарында әр орын жеке тіркеліп, эвакуация жолдары ашық болуы тиіс. Қазақстандағы ескі стадиондар бұл стандарттарға сай келмейді.
Алматының Орталық стадионы — ел футболының символы саналса да, бүгінде күрделі жөндеуді қажет етеді. Мұнда Чемпиондар лигасы жалпы кезеңінің екі матч өтті: