Дычко Кудуховпен кездеседі
Қос мықты арасындағы айқас алдағы айда Алматыда Балуан Шолақ атындағы спорт сарайында өтеді.
Қазақстандық кәсіпқой боксшы Иван Дычконың келесі қарсыласына қатысты ақпарат пайда болды. Ол 27-ші желтоқсан күні Алматы қаласында өтетін бокс кешінде ресейлік Виталий Кудуховпен жұдырықтасады. Кейінгісі кәсіпқой рингте 9 кездесу өткізіп, оның 7-еуінде жеңіске жеткен. 3-еуін уақытынан бұрын аяқтаған.
Ал, Иван Дычконың көрсеткіші 13 жекпе-жек, 13 жеңіс. Ол соңғы рет тамыз айында америкада жұдырықтасты. Мұхиттың арғы жағында жергілікті Крейг Льюиспен кездесіп, екінші раундта нокаутпен жеңіске жетті.
Қос мықты арасындағы айқас алдағы айда Алматыда Балуан Шолақ атындағы спорт сарайында өтеді.
Еске сала кетейік, бірер ай бұрын спорт порталдары қазақстандық Иван Дычко мен өзбекстандық Бахадүр Жалолов кездесуі мүмкін деген мәлімет таратты. Екеуі әуесқой бокста 4 рет кездесіп, 4-еуінде де жерлесіміз жеңіске жетті. Қазір екеуі де кәсіпқой бокста өнер көрсетеді.