Артем Дзюба "Қайратта" ойнай ма? Боранбаевтың тосын мәлімдемесі
"Қайрат" клубының президенті Қайрат Боранбаев команданың трансферлік жоспарлары мен Ресей футболының үздік сұрмергені Артем Дзюбаны қатарға қосуды қалайтынын айтты.
Боранбаев YouTube-тағы "Nursultan Qurman" арнасына берген сұхбатында алдағы трансфер кезеңінде жаңа шабуылшы сатып алынатынын растады:
"Трансфер терезесінде міндетті түрде бір шабуылшы аламыз. Қазір бірнеше нұсқаны қарастырып жатырмыз, уақыт әлі бар. Әрине, сіздер Дзюба туралы сұрайсыздар деп ойлаймын. Шынын айтқанда, Артем бізбен сөйлесті. Ол жас ойыншы емес екенін дұрыс түсіндірді. Дзюбаның басты артықшылықтары — абыройы, тәжірибесі және мотивациясы. Әрі қарай қалай болатынын білмеймін. Бірақ егер Дзюба болмаса, біз биік әрі мықты шабуылшы іздейтін боламыз. Артем келіссе — біз оны қуана қабылдаймыз", — деді Қайрат Боранбаев.
Артем Дзюба қазір Ресейдің "Акрон" клубында және ұлттық құрама сапында ойнап жүр. Биылғы маусымда ол ұлттық құрама тарихындағы ең үздік сұрмерген атанып (31 гол), сондай-ақ Ресей клубтық футболының тарихында ең көп гол соққан ойыншы мәртебесіне ие болды — оның еншісінде 207 гол бар.