ҚПЛ-дің бірнеше клубына айыппұл салынды

“Астана” – “Жетісу” матчы бойынша шешім

Комитеттің шешіміне сәйкес, “Астана” - “Жетісу” ойыны матч басталуының 5 минутқа кешігуіне байланысты қаралды. Кешігуге стадионға келген жедел жәрдем көлігінің чемпионат регламентіндегі талаптарға сай болмауы себеп болған.

Осыған байланысты Қазақстан Премьер-лигасының тәртіптік регламентінің 63-бабы 1-тармағына сәйкес “Астана” футбол клубына 60 айлық есептік көрсеткіш мөлшерінде (259 500 теңге) айыппұл салынды. Клуб бұл соманы 11 сәуірге дейін төлеуі тиіс. Сонымен қатар ,матч барысында жанкүйерлердің дыбыс күшейтетін құрылғы (рупор) қолдануы тәртіп бұзушылық ретінде бағаланып, клубқа ресми ескерту жасалды.

Комитет бірінші турдың басқа ойындары бойынша да бірнеше тәртіптік шара қолданды.

“Ақтөбе” - “Тобыл”

• “Тобыл” ойыншысы Максим Мякиш өрескел ойыны үшін 2 матчқа дисквалификацияланды.
• Команданың бас бапкері Нұрбол Жұмасқалиев матчтан кейінгі баспасөз мәслихатына қатыспағаны үшін ескерту алды.

“Қызылжар” - “Каспий”

• Жанкүйерлердің файер жағуына байланысты “Қызылжар” клубына 60 АЕК (259 500 теңге) айыппұл салынды.
• Көрермендерді тексерудің әлсіз ұйымдастырылуына байланысты клубқа ескерту жасалды.
• Команда ойыншыларының тәртіпсіздігі (5 ескерту) үшін клубқа 100 АЕК (432 500 теңге) айыппұл салынды.

“Атырау” - “Ұлытау”

• Екінші таймның 13 минутқа кеш басталуына байланысты “Атырау” клубына 60 АЕК (259 500 теңге) көлемінде айыппұл салынды.