Әлем чемпионы атанған Испания абсолютті рекорд орнатты
Испания құрамасы 2026 жылғы әлем чемпионатының финалында Аргентинаны жеңіп, өз тарихында екінші рет әлем чемпионы атанды.
Испания мен Аргентина құрамалары 2026 жылғы әлем чемпионатының финалында кездесті. Шешуші матчта испаниялықтар 1:0 есебімен жеңіске жетіп, әлем чемпионы атанды.
Opta тарихи рекордты атады
Opta Sports статистикалық порталының мәліметінше, Испания құрамасы биылғы әлем чемпионатында сегіз матчта небәрі бір ғана гол жіберген.
Бұл — әлем чемпиондары арасындағы жіберілген гол саны бойынша абсолютті рекорд. Бұған дейін ешбір құрама әлем чемпионы атану жолында мұндай көрсеткіш тіркемеген.
Бұған дейінгі үздік нәтижелер жаңартылды
Бұған дейін әлем чемпиондары арасындағы үздік көрсеткіш - екі жіберілген гол болатын.
Мұндай нәтижені Испания 2010 жылы, Италия 1990 жылы және Франция 1998 жылы тіркеді. Ал 2026 жылғы Испания бұл көрсеткішті жаңартып, турнирді бір ғана жіберілген голмен аяқтады.
Финал қалай өтті?
Командалар негізгі уақытта командалар есеп аша алған жоқ. Кездесудің тағдыры қосымша уақытта шешілді. 106-минутта Ферран Торрес Аргентина қақпасына жалғыз гол соғып, Испанияға жеңіс әкелді. Осы нәтиженің арқасында испаниялықтар 2010 жылдан кейін алғаш рет әлем чемпионатының бас жүлдесін жеңіп алды.
Бұл — Испания құрамасының тарихындағы екінші әлем чемпиондығы. Бұған дейін испаниялықтар 2010 жылы Оңтүстік Африкада өткен мундиальде топ жарған еді.