"ПСЖ" Жапония құрамасының қақпашысына көз тікті
Париждік клуб 23 жастағы жапон голкиперін қақпашылар арасындағы бәсекені күшейте алатын ойыншы ретінде қарастырады.
"ПСЖ" жазғы трансферлік нарықта қақпашы позициясын күшейту жағын қарастырып жатыр. Sky Sports мәліметінше, париждік клубтың назарында "Парма" және Жапония құрамасының қақпашысы Зион Сузуки бар.
Дереккөздің хабарлауынша, "ПСЖ" басшылығы 23 жастағы қақпашыны командадағы бәсекені арттыра алатын футболшы деп бағалап отыр.
Париждік клубта Зион Сузукидің ойын мәнері жоғары бағаланады. Әсіресе оның аяқпен сенімді ойнайтыны, шабуылды бастай алатыны және қарсылас қысымы кезінде сабыр сақтайтыны атап өтіледі.
Бұл қасиеттер "ПСЖ" бас бапкері Луис Энрикенің қақпашыға қоятын талаптарына сай келеді.
"Парма" сапында 59 матч өткізді
Зион Сузуки "Парма" сапында барлық турнирде 59 матчқа қатысқан.
Сондай-ақ ол 2026 жылғы әлем чемпионатында Жапония құрамасының қақпасын төрт кездесуде қорғады.
Сузукиге басқа клубтар да қызығып отыр
Жапон қақпашысына тек "ПСЖ" ғана емес, басқа да еуропалық клубтар назар аударып отыр.
Ақпаратқа сәйкес, Сузукиді "Ювентус" және Англия Премьер-лигасының бірнеше клубы бақылап жүр.