Венесуэла құрамасының қорғаушысы ҚПЛ клубына ауысуға дайын
25.01.2025, 15:46
29 жастағы қорғаушы Рубен Рамирес Қазақстан премьер-лигасында өнер көрсетуге қарсы емес.
lavinotinto.com
Футболшыға жақын дереккөз Рамирестің ҚПЛ клубтарының бірінде ойнағысы келетінін мәлімдеді.
Рамирес "Каракас" ФК мектебінің түлегі. Өз отанында "Карабобо"," Эстудиантес де Каракас", "Ансоатеги"," Атлетико Венесуэла" және "Монагас" клубтарының намысын қорғады. Сонымен қатар қорғаушы нидерландтық "Фортуна Ситтард" және армениялық "Урарту" командаларында ойнады.
Рамирестің соңғы клубы перулық "Куско" болды. Ол ұжымнан қаңтардың басында кетіп, бос агент атанды.
Қорғаушы Венесуэла құрамасы үшін үш кездесу өткізіп бір голмен ерекшеленді.
Transfermarkt Рубен Рамиресті 350 мың еуроға бағалап отыр.