АПЛ ойыншысы Бахтиёр Зайнутдиновке "Бешікташта" бәсекелес болады
11.02.2025, 23:12
Ағылшындық "Тоттенхэмның" сол қапталдағы қорғаушысы Серхио Регилон түркиялық "Бешікташқа" ауысуы мүмкін.
sports.ru
Журналист Экрам Конурдың ақпаратына сәйкес, ыстамбұлдық клуб 28 жастағы испаниялықпен трансфер жайлы келіссөздер жүргізіп жатыр. Қазір Регилон бас бапкер Анге Постекоглудың тұсында "Тоттенхэмнің" негізгі құрамдағы ойыншысы саналмайды. Қорғаушы биылғы маусымда бар-жоғы бес матч өткізді. Оның ағылшындық клубпен келісімі жазда аяқталады.
"Бешікташ" Түркия Суперлигасының 21-турынан кейін 35 ұпай жинадп турнирлік кестеде алтыншы орында тұр. Айта кету керек, ыстамбұлдық команданың сол қапталындағы қорғаныс шебінде қазақстандық футболшы Бахтиёр Зайнутдинов ара-тұра ойнайды.