Футбол матчының қақ ортасында концерттік шоу ұйымдастырылатын болды
Бұл туралы ФИФА президенті Джанни Инфантино мәлімдеді.
2026 жылғы әлем чемпионатының финалында тұңғыш рет матч ортасында шоу өтеді. Бұл туралы ФИФА президенті Джанни Инфантино мәлімдеді.
"Нью-Йорк, Нью-Джерсидегі әлем чемпионатының финалында тұңғыш рет матч ортасында шоу өтетін болды. Бұл шараны Global Citizen ұйымымен бірлесе ұйымдастырамыз", – деді ФИФА президенті өзінің Instagram парақшасында.
ФИФА халықаралық білім беру және құқық қорғау ұйымы Global Citizen және британдық Coldplay тобы-мен бірге жұмыс істеп, бірінші таймнан кейінгі үзіліс кезінде жоғары деңгейдегі мерекелік шоу ұйымдастыруды көздеп отыр.
Әлем чемпионаты: Жаңа форматы
АҚШ, Канада және Мексикада бірлесіп өткізетін байрақты бәсекеге алғаш рет 48 құрама команда қатысады. Әлем чемпионаты 2026 жылы 11 маусым мен 19 шілде аралығында өтеді. Бұл турнирде:
- 104 матч өткізіледі.
- Қосымша плей-офф кезеңі енгізіледі.
Финалдық матч Нью-Джерси штатының МетЛайф стадионында өтеді. Бұл арена NFL командалары Нью-Йорк Джайентс пен Нью-Йорк Джетстің алаңы саналады.