"Атлетико" шабуылшысына 12 матчтық дисквалификация қаупі төніп тұр
Ла Лигадағы 27-тур аясында өткен "Хетафе" – "Атлетико" матчы даулы оқиғамен аяқталды.
"Атлетико" шабуылшысы Анхель Корреа ойынның 88-минутында алаңнан қуылды. Футболшы төрешіні қорлағаны үшін 12 матчқа дейін шеттетілуі мүмкін.
Ла Лига регламентіне сәйкес, бас төрешіге, оның көмекшілеріне, төртінші арбитрге немесе спорттық билік өкілдеріне тіл тигізу төрттен 12 матчқа дейін дисквалификацияға әкеледі.
Қызыл қағаз және матчтың тағдыры
Анхель Корреа алаңнан қуылған сәтте "Атлетико" 1:0 есебімен алда келе жатқан. Бірақ алаңнан кетер кезде аргентиналық футболшы төрешіге бағытталған өрескел және әдепсіз сөздер айтты. Оның сөздері матч делегатының ресми хаттамасына енгізілді.
"Атлетико" сан жағынан азшылықта қалып, екі гол өткізіп алды. Нәтижесінде мадридтік клуб "Хетафеден" 1:2 есебімен жеңілді.
Бұл жеңілістен кейін Диего Симеоне шәкірттері 56 ұпаймен Ла Лига турнирлік кестесінде үшінші орында қалды.