"Барыс" жеңісті уысынан шығарып алды (ВИДЕО)
ҚХЛ тұрақты чемпионатында елордалық "Барыс" тольяттидің "Лада" хоккейшілерін қабылдады.
Матчқа дейін астаналықтарда қатарынан төрт жеңіліс сериясы болса, тольяттиліктер он матч бойы жеңіске жете алмай жүрді.
Алғашқы кезең бір шайба айырмасымен ресейліктердің жеңісімен аяқталса, екінші кезеңде небәрі екі минут аралығында Мстислав Шипилин мен Кирилл Ляпунов мұзайдын иелерін алға шығарды. Ал ақырғы кезеңде "Лада" таразы басын теңестіріп қана қоймай, жеңісті жұлып алды. Қорытынды есеп — 4:2.
"Барыс" 17 ақпанда череповецтің "Северсталь" ұжымын қабылдайды.
"Барыс" (Астана) — "Лада" (Тольятти) 2:4 (0:1, 2:0, 0:3)
Шайбалар:
0:1 — 10:56 Михайлов (Неколенко).
1:1 — 23:54 Шипилин (Сетдиков, Жафяров).
2:1 — 25:28 Ляпунов (Хохлов, Антипин).
2:2 — 50:39 Михайлов (Юртайкин, Неколенко).
2:3 — 58:03 Ожгихин (Романов).
2:4 — 58:32 Кугрышев (Алтыбармакян).