Grand Slam Ташкент-2026: Қазақстан құрамасының тізімі жарияланды

Grand Slam-2026 ресми сайты Ташкентте (Өзбекстан) өтетін халықаралық турнирге қатысатын дзюдодан Қазақстан құрамасының тізімін жариялады.

Беделді бәсекеде Қазақстан намысын 13 ер спортшы және бір әйел спортшы қорғайды.

Ерлер:

• 60 кг: Мағжан Шамшадин, Талғат Орынбасар;
• 66 кг: Нұрқанат Серікбаев, Ақылжан Жұбатқанов;
• 73 кг: Аңсарбек Ғайнуллин, Әнуар Жұмагелдин;
• 81 кг: Асқар Нарқұлов, Мәди Амангелді;
• 90 кг: Барақ Арқабай;
• 100 кг: Бақжан Байтас, Бейбіт Мадеев;
• +100 кг: Еламан Ерғалиев, Ерасыл Қажыбаев;

Әйелдер:

• +78 кг: Назгүл Маратова.

Ірі турнир қай күндері өтеді?

Grand Slam Tashkent-2026 турнирі 2026 жылғы 27 ақпан мен 1 наурыз аралығында Өзбекстан астанасындағы "Хумо Аренада" өтеді. Жарысқа әлемнің 40 елінен 380-нен астам спортшы қатысады деп күтілуде. Бұл бәсеке IJF Әлемдік турының маңызды кезеңдерінің бірі саналады, онда спортшылар әлемдік рейтинг үшін ұпай жинайды.