Магнус Карлсен қазақстандық шахматшының үстінен шағымданды
Карлсен бойжеткенмен суретке түсуге келісім бергенімен, артынша төрешілерге оның телефоны туралы шағым түсірді.
Grenke Chess Open турнирінде әлем чемпионы Магнус Карлсен мен қазақстандық шахматшы Алуа Нұрман арасында қызықты, әрі оғаш жағдай болды. Карлсен бойжеткенмен суретке түсуге келісім бергенімен, артынша төрешілерге оның телефоны туралы шағым түсірді. Бұл туралы Kursiv.kz хабарлады.
Тыйым салынған құрылғылар
Халықаралық ереже бойынша, ойын залына ұялы телефон алып кіруге қатаң тыйым салынған. Тіпті сөндірулі телефонның өзі техникалық жеңіліске себеп болуы мүмкін.
Ал Магнус Карлсен – шахматтағы тазалықтың басты жақтаушысы. Ол ойын кезінде кез келген гаджеттің болуын қауіп (компьютерлік көмек) ретінде қабылдайды. Осыған байланысты, төрешілер Алуаның телефонын тәркілеп, ойынды жалғастыруға рұқсат берді.
Алуа Нұрманның реакциясы
Жеңіліске және телефонға қатысты шуға қарамастан, 18 жастағы қазақстандық гроссмейстер өзін бақытты сезінді. Ол Instagram парақшасында:
“Армандар орындалды! Өте жақсы ойын болды”, – деп жазды.
Алуа үшін әлемдік деңгейдегі жұлдызбен бір үстелде отырып, суретке түсудің өзі үлкен мәртебе болғандай.