Қазақстандық велошабандоздың қанша уақытқа спорттан шеттетілетіні белгілі болды
16.01.2025, 16:30
Бұған дейін оның допингке қарсы ережелерді бұзғаны анықталған еді.
jambylinfo.kz
Халықаралық велошабандоздар одағы "Астана" велокомандасының бұрынғы мүшесіне қатысты шешім шығарды.
Аталған ұйым өкілдерінің хабарлауынша, қазақстандық спортшы Ильхан Достиев допингке қарсы ережелерді бұзғаны үшін 4 жылға спорттан шеттетілді.
Енді отандасымыз 2028 жылдың 8-ші қыркүйегіне дейін жарыстарға қатыса алмайды.
Бұған дейін велошабандоздың ағзасынан метоксиполиэтиленгликоль-эпоэтин бета (CERA)1 табылған болатын. Тыйым салынған препарат 2024 жылдың 17-ші тамызында "Румыния туры" турнирінде анықталды.