Геннадий Головкин шорт-трекшілерге құтты болсын айтты
Қазақстан Ұлттық Олимпиадалық комитетінің президенті Геннадий Головкин Азия ойындарының эстафеталық жарысында тарихи алтын медаль жеңіп алған шорт-трек құрамасына алғыс білдірді.
Бұл туралы Olympic.kz сайты жазады.
“Қазақстан Ұлттық Олимпиадалық комитеті атынан және өз атымнан Глеб Ивченко, Денис Никиша, Мерсаид Жақсыбаев, Айбек Насен, Абзал Әжғалиев және Әділ Ғалиахметовті Харбиндегі қысқы Азия ойындарында Қазақстан құрамасының алғашқы алтын медалін жеңіп алуымен шын жүректен құттықтаймын!
Бұл – қазақстандық шорт-трек үшін әлемдік деңгейдегі кешенді жарыстардағы алғашқы жоғары дәрежелі жүлде және мыңдаған жанкүйер осы тарихи сәттің куәсі болды. Бүгін сіздер жеңіске деген жігерлеріңіздің арқасында лайықты түрде тұғырдың ең биік сатысына көтерілдіңіздер. Және көп жылдан кейін Қазақстанның әнұраны Азия құрлығының қысқы додасында қайта шырқалады,”- деді Головкин.