Сәбина Алтынбекова алғаш рет ажырасуы туралы ашық айтты (ФОТО)
Қазақстандық танымал волейболшы Сәбина Алтынбекова жанкүйерлерінің ажырасу туралы сұрағына жауап берді.
2020 жылдың соңында Алтынбекова кәсіпкер Саят Салманұлымен шаңырақ көтерген болатын. Бір жылдан кейін олардың ұлы дүниеге келді.
Бірақ жанкүйерлер спортшының жеке өміріне байланысты сұрақтарын жалғастыра берді. Сәбина бұл тақырыпқа нүкте қою үшін Instagram Stories-те келесідей жауап жазды:
— Сіздер ажырасып кеттіңіздер ме?
— Иә, мен ресми некеде болдым және қазір заңды түрде ажырастым. Бұл сұраққа байланысты көп пікір айтылды, бірақ осы жерден бұл тақырыпты жабамын, — деп жазды ол.
Айта кетейік, бұған дейін Сәбина Алтынбекова әлеуметтік желідегі жазбасында Индонезияның "Yogya Falcons" командасында өткен маусымды қорытындылап, бұл елге деген ерекше сүйіспеншілігін білдірген еді.