Өзбек гимнасшысы Оксана Чусовитинаға сәнді сыйлық тарту етілді (ВИДЕО)
18.03.2025, 12:50
Оксана Чусовитинаға гибридті кроссовер BYD SONG Plus DM-i Champion сыйға берілді.
uz.kursiv.media
Көптеген халықаралық жарыстың жеңімпазы, өзбек гимнастшысы Оксана Чусовитина ерекше сыйлыққа ие болды. Ташкент қаласындағы BYD Sergeli дилерлік орталығында салтанатты түрде оған BYD SONG Plus DM-i Champion гибридті кроссовері табысталды. Белгілі спортшы бұл қуанышты жаңалықты әлеуметтік желідегі парақшасында бөлісті. Автокөліктің бағасы 387,2 миллион сумнан басталады.
Айта кетейік, Оксана Чусовитина 2025 жылдың наурыз айында Бакуде өткен Әлем кубогы кезеңінде алтын медаль иеленген болатын. Бұл сыйлық – оның ерекше спорттық жетістіктеріне және Өзбекстан спортының дамуына қосқан үлесіне деген құрметтің белгісі.