Лео мен Дуглас Қазақстан құрамасынан кетеді
Қазақстан футзал құрамасының бас бапкері Пауло Рикардо Кака футзал жанкүйерлеріне маңызды жаңалық жеткізді. Ол "Nursultan Qurman" YouTube арнасына берген сұхбатында Лео мен Дуглас халықаралық деңгейде соңғы матчтарын өткізетінін растады.
Кака: “Бұған дайын болу керек”
“Иә, бұл Еуропа чемпионаты – Лео мен Дуглас үшін ұлттық құрамамен бірге өткізетін соңғы турнир. Мұндай кезең әрбір спортшының өмірінде болады. Бір күні бұл сәт Лео Игита мен Шыңғыс Есенамановқа да келеді, дәл кезінде Дінмұхаммед Сүлейменовке келгендей. Бұл – спорттың заңдылығы. Сондықтан біз жаңа буын ойыншыларын осы деңгейге дайындау үшін жұмыс істеуіміз керек, – деді Кака сұхбатында.
Қазақстан құрамасы Еуро-2026 чемпионатының финалдық кезеңіне тікелей жолдама ала алмады. Шешуші матчта команда Армения құрамасына 2:4 есебімен жеңілді. Бұл сәтсіздік құраманың жаңа кезеңге өту қажеттілігін көрсетті.