Матч WTA 500 турнирінің аясында өтті.
Әлемнің 74-ракеткасы, қазақстандық теннисші Юлия Путинцева Австралияның Брисбен қаласында өтіп жатқан WTA 500 санатындағы турнирдің үшінші айналымына шыға алмады.
Екінші айналымдағы матчта Путинцева әлемдік рейтингте 26-орында тұрған украиналық Марта Костюкпен кездесті. Алғашқы сет Юлияның пайдасына шешіліп, ол тай-брейкте 7:6 (5) есебімен жеңіске жетті. Алайда одан кейін Марта қалған екі партияда айқын басымдық танытып, 6:1, 6:0 есебімен жеңіп, турнирдің 1/8 финалына жолдама алды.
Айта кетейік, Юлия Путинцева Брисбендегі турнирге лаки-лузер ретінде қатысқан. Ол іріктеудің финалында жеңілгенімен, чехиялық Каролина Плишкова турнирден бас тартуына байланысты негізгі сеткада өнер көрсету мүмкіндігіне ие болды.