Осы күндері Қытайдың Гонконг қаласында ATP-250 турнирі өтіп жатыр.
Қазақстанның бірінші ракеткасы Александр Бублик 2026 жылғы теннис маусымын сәтті бастады. Алғашқы ойынында жеңіске жетті.
Бублик Қытайдың Гонконг қаласында өтіп жатқан ATP-250 санатындағы хард турнирінің 1/8 финалында Нидерланд өкілі Ботик ван де Зандшульппен (ATP рейтингінде 75-орын) кездесті. Ол 1 сағат 11 минутқа созылып, қазақстандық теннисшінің жеңісімен аяқталды. Қорытынды есеп — 6:3, 6:3.
Айта кетейік, бұған дейін теннисшілер өзара үш рет кездескен. Сол ойындардың екеуінде ван де Зандсхюлп жеңіске жетсе, Бублик тек бір рет, өткен жылдың шілдесінде, қарсыласынан басым түскен еді. Осылайша, Гонконгтағы матч Александр Бублик үшін сәтті реванш болды.
Турнирдің ширек финалында Бублик Қытай теннисшісі Цзюньчэн Шанмен кездеседі. Қазір Шан ATP рейтингінде 406-орында тұр.