Қазақстандық боксшы WBO титулы үшін жұдырықтасатын болды

Қазақстандық былғары қолғап шебері Абылайхан Хусаинов (13-1, 10 КО) шаршы алаңға қашан оралатыны белгілі болды.

BoxRec.com мәліметі бойынша отандасымыздың келесі жекпе-жегі  желтоқсанның 28-інде Қытайдың Хайкоу қаласында өтеді. Оның қарсыласы жергілікті боксшы Ян Юнцян (16-0, 12 КО) болады. Хусаинов пен Юнцян жеңіл салмақ дәрежесіндегі BO Inter-Continental белбеуін сарапқа салады. 

Айта кетейік, соңғы рет Абылайхан Хусаинов 6-қыркүйекте Дубайда жұдырықтасқан болатын. Сол кезде техникалық нокаутпен угандалық Абдул Азиз Ссебулимді (12-2, 7 КО) жеңді.  

Ал Ян Юнцян болса, 18-мамырда жекпе-жекке шығып, вьетнамдық Ван Хай Нгуеннен (6-3, 3 КО) басым түсті.