UFC: Двалишвили Нурмагомедовпен жекпе-жек алдында комиссия мүшесін алдаған
Аса жеңіл салмақта UFC чемпионы Мераб Двалишвилидің Умар Нурмагомедовпен жекпе-жек алдында Калифорния штатының атлетикалық комиссиясын алдағаны белгілі болды.
Мерабтың айтуынша, ол медициналық тексеріс кезінде аяғын жырып алғанын жасырған.
"Калифорнияда комиссия өте қатал. Бейсенбі күні олар денемді толық тексерді. Мен шалбар киіп тұрғанмын, комиссия ішіндегі бір жігіт балағымды көтеруді сұрады. Шалбарымның сол жағын түрдім, ол бірдеңе деп сөйлеп жатты. Сосын ол маған екінші аяғымды көрсетуді сұрады, ол сөйлеп отырып менің қайтадан сол жақ балағымды көтергенімді аңдамай қалды", - дейді Двалишвили белгілі инсайдер Ариэль Хельванидің подкастында.
Еске сала кетсек, Двалишвили Лос-Анджелесте өткен UFC 311 турнирінде Нурмагомедовті төрешілер шешімімен жеңді.