Қазақстан қоржыны Азия ойындарында тағы екі медальге толықты
Қазақстандық дуэт 500 метрлік каноэ-екілік сайысында үшінші орын алды.
Қазақстандық спортшылар Сергей Емельянов пен Тимофей Емельянов Жапонияның Айти мен Нагоясында өтіп жатқан 2026 жылғы Азия ойындарының жүлдегерлері атанды.
Қазақстандық дуэт 500 метрлік каноэ-екілік сайысында үшінші орын алды. Ескекшілер уақыт көрсеткіші - 1:44.972.
Қытай чемпион атанды
Бұл сында алтын медаль Қытай құрамасына бұйырды. Қытайлық спортшылар 1:40.741 уақыт көрсетті.
Күміс жүлдені Өзбекстан өкілдері иеленді. Олардың нәтижесі – 1:42.878.
Айта кетейік, қазақстандық тағы бір ескекшілер жұбы Ольга Шмелева мен Татьяна Токарницкая бүгін 500 метрлік байдарка-екілік сайысында күміс медаль жеңіп алды.
Ал Владислав Яковлев пен Иван Чернухин Жапониядағы Азия ойындарының чемпионы атанып, Қазақстанға сегізінші алтын медальді сыйлады.