Михаэль Шумахер айдаған болид рекордтық бағаға сатылды (ВИДЕО)
Бүгін, 15:59
Формула-1 тарихындағы аты аңызға айналған спортшы Михаэль Шумахердің бірегей болиді аукционда сатылды. Бұл оқиға Монако Гран-приі қарсаңында болды.
sportbox.ru
F2001 болиді – тарихи құндылық
2001 жылы "Ferrari" командасының атынан жарысқа түскен Михаэль Шумахер Монако мен Мажарстан (Венгрия) Гран-приін осы болидпен жеңіп алған. Атақты F2001 моделі аукционда 18,7 миллион АҚШ долларына өтті. Бұл – бұрын-соңды Шумахер айдаған көліктер арасындағы ең жоғары баға.
Алдыңғы рекорд жаңартылды
Бұған дейінгі рекорд 2022 жылы тіркеліп, 13,2 миллион доллар болған. Алайда биылғы аукцион бұл көрсеткішті артта қалдырды. The New York Times хабарлауынша, аукцион Монако Гран-приі өтер қарсаңда ұйымдастырылды.
Бұл болид несімен қымбат?
Бұл болидтің ерекше қымбатқа бағалануы бірнеше себеппен түсіндіріледі:
- Михаэль Шумахердің спорттық мансабындағы шешуші кезеңдерге қатысқаны;
- "Ferrari" командасы үшін алтын дәуір саналатын уақыттағы жарыстарға қатысқаны;
- Тарихи маңыздылығы мен сиректігі.