Жаңа болидтер – зымырандай! 2026 жылғы Формула-1 қандай болады?

Болидтердің өлшемдері мен салмағы

Қазіргі Формула-1 машиналары тым ауыр және көлемді болғандықтан, ұйымдастырушылар оларды ықшамдауға шешім қабылдады. 2026 жылдан бастап:

• ұзындығы 10 см қысқарады, ені 20 см тарылмақ;
• салмағы 30 кг-ға азайып, 768 кг болады;
• шиналар да кішірейеді: алдыңғысы – 2,5 см, артқысы – 3 см тар.

«Pirelli» өкілдерінің айтуынша, бұл өзгеріс резеңкенің төсемге ілінісуін айтарлықтай төмендетпейді.

Аэродинамикадағы жаңалықтар

• Келесі жылдан бастап граунд-эффекттен бас тартылып, болидтердің түбі қайтадан тегіс болады. Бұл шешім жүргізушілерге көлікті басқаруды жеңілдетіп, көбірек тұрақтылық береді.
• Басты өзгеріс – белсенді аэродинамика. Енді пилоттар DRS секілді артқы қанатты ғана емес, сонымен бірге алдыңғы қанатты да басқара алады. Арнайы Z-режимнен X-режимге ауысқанда антикрылоның лопастары көтеріледі. Дегенмен бұл жүйе тек трассаның арнайы аймақтарында қолжетімді болады.

Қозғалтқыштардың жаңа буыны

2026 жылғы қозғалтқыштар бұрынғыдай 1,6 литрлік V6 турбогибрид негізінде жасалады, бірақ маңызды айырмашылықтары бар:

• MGU-H жүйесі алынып тасталады, енді тек MGU-K энергияны қайта өңдейді;
• гибрид үлесі 47%-ға дейін өседі (қазір 16%);
• электр қуатының үлесі 350 кВт (476 а.к.) дейін жетеді;
• ДВС қуаты қысқарып, жалпы өнімділік шамамен 1020 а.к. деңгейінде сақталады.

Сонымен қатар жаңа Manual Override режимі енгізіледі – ол арқылы пилот қысқа уақыт ішінде қуатты арттыра алады. Бұл жүйе тактикалық қарудың біріне айналмақ.

Жаңа дәуірдің қиындықтары

Ferrari командасының пилоты Шарль Леклер атап өткендей, жүргізушілерге көлікті басқаруды қайтадан үйренуге тура келеді. Себебі гибридтің қуаты еселеп артқан соң, болид бұрылыстан зымырап шыққанда нағыз «зымыранға» айналады.

Алайда сарапшылар гибрид батареяларының жылдам разрядталуына алаңдаулы. FIA бұл мәселені бақылауда ұстайтынын жеткізді.