Роналду бастаған "Әл-Насрдың" ойыны күтпеген нәтижемен аяқталды (ВИДЕО)
Сауд Арабиясы Премьер-лигасының 32-турында "Әл-Наср" клубы қонақта "Әл-Кадисиядан" 2:1 есебімен жеңіліп, турнирлік кестедегі жағдайын қиындатып алды.
"Әл-Кадисия" сапынан Турки әл-Аммар 35-минутта есеп ашса, Пьер-Эмерик Обамеянг 87-минутта жеңіс голын соқты. "Әл-Насрдың" жалғыз голын Садио Мане 84-минутта енгізді.
Кездесу алдында "Әл-Наср" фаворит саналды. Криштиану Роналду бұл ойында толық 90 минут өткізіп, командасына жеңіс сыйлай алмады.
Бұл жеңістің арқасында "Әл-Кадисия" 55 ұпайға ие болып, турнирлік кестеде 5-орынға көтерілді. Ал "Әл-Наср" 57 ұпаймен үшінші орынды сақтап тұр. Командалар арасындағы айырмашылық азайып, келесі турларда жағдай күрделене түсуі мүмкін.
Матчтан кейін әлеуметтік желілерде "Әл-Насрдың" ойыны сынға ұшырап, Роналду мен Мане секілді жұлдыздардың нәтижесіздігі туралы қызу пікірлер жазылды.