"Оқжетпес" пенальти мен қызыл қағаз арқасында жеңіске жетті (ВИДЕО)
Қазақстан Премьер-Лигасының 5-турында Жезқазғанда "Ұлытау" Көкшетаудың "Окжетпесін" қабылдады.
Бастапқы минуттарда қос ұжым шабуылда белсенділік танытып, орта алаңда күрес басым болды. Дегенмен, бірінші таймда қауіпті сәттер аз тіркелді.
Ойынның 44-минутында күтпеген сәт болды. "Ұлытау" шабуылшысы Николай Солодовников өз айып алаңында қолмен ойнады. Бас төреші еш ойланбастан 11 метрлік айып добын белгіледі. Пенальтиді "Оқжетпес" ойыншысы Дәурен Жұмат мүлтіксіз орындады.
Ойынның екінші жартысында алаң иелері басымдықты өз қолына алуға тырысты. Олар қарсылас қақпасына бірнеше қауіпті шабуыл ұйымдастырды. Бірақ гол соғу мүмкін болмады. 72-минутта "Ұлытаудың" шабуылшысы Жасұлан Молдақараев тәртіп бұзғаны үшін қызыл қағаз алып, алаңнан қуылды. Бұл сәт ойынды түбегейлі өзгертті. Сан басымдығы арқасында "Оқжетпес" басымдықты ұстап тұрып, жеңісті сақтап қалды.
Бұл жеңістен кейін "Оқжетпес" қоржынында 7 ұпай жиналды, ал "Ұлытау" 2 ұпаймен соңғы орында қалып отыр.
"Ұлытау" (Жезқазған) — "Оқжетпес" (Көкшетау) 0:1 (0:1)
Гол: Жұмат пенальтиден 43 (0:1).