Өзбекстан құрамасы әлем чемпиондарымен жолдастық матч өткізеді
Футболдан Өзбекстан ұлттық құрамасы әлемнің қазіргі чемпионы — Аргентинамен жолдастық кездесу өткізеді. Лионель Месси бұл матчта өз елі намысын қорғайды.
Өзбекстан – әлем чемпионатына жолдама алған Азия өкілі
2026 жылғы әлем чемпионатына жолдама алған Өзбекстан құрамасы финалдық кезеңге тыңғылықты дайындалуда. “Ақ қасқырлар” атауымен танымал команда әлемнің үздік құрамаларымен жолдастық кездесулер өткізуді жоспарлап отыр. Осы бағытта ең ірі қарсылас ретінде Аргентина таңдалып отыр.
Месси мен “ақ-қасқырлар” тарихта алғаш рет кездееді
Лионель Месси бастаған Аргентина құрамасы қазіргі таңда ФИФА рейтингінде көш бастап тұр. Өзбекстан бұл қарсыласты кездейсоқ таңдаған жоқ. Бұл тек шеберлік шыңдау емес, психологиялық және тактикалық тұрғыдан да маңызды сынақ.
Болжам бойынша, матч қазан айында ФИФА ресми күнтізбесіне сәйкес өткізіледі. Ойын Аргентинада өтеді деп жоспарланған.
Неліктен бұл матч маңызды?
- Өзбекстан үшін — әлем чемпионына қарсы тәжірибе жинақтау;
- Аргентина үшін — жас командалармен тактикалық байланыс орнату мүмкіндігі;
- Азия футболы үшін — жаңа деңгейге көтерілуге жасалған үлкен қадам.