Клубтық әлем чемпионаты-2025: Алғашқы жартылай финалдық жұп анықталды (ВИДЕО)

Тұрғымбеков Ғани

Сарапшы, спорт журналисі

05.07.2025, 11:26

АҚШ-та өтіп жатқан Клубтық әлем чемпионатында бірінші жартылай финалистер белгілі болды.

aljazeera.com

"Флуминенсе" мен "Челси" финал жолдамасына таласады

Алғашқы жартылай финалда Рио-де-Жанейро қаласынан "Флуминенсе" мен Лондоннан "Челси" клубтары шеберлік байқасады.

Бразилиялық клуб ширек финалда Сауд Арабиясының "Әл-Хилал" командасын 2:1 есебімен жеңді.

Ағылшындар да оңай емес қарсыласпен кездесті. Сан-Паулудан келген "Палмейраспен" болған тартысты матчта "Челси" дәл сондай есеппен жеңіске жетті.

Жартылай финалдық кездесу АҚШ-тың Нью-Джерси штатындағы Ист-Ратерфорд қаласында 8 шілдеден 9 шілдеге қараған түні өтеді.