Абат Айымбетовты жаңа маман жаттықтырады
Қазақстан құрамасының шабуылшысы Абат Айымбетов өнер көрсететін "Адана Демирспор" клубы жаңа бас бапкермен толықты.
Жаңа бас бапкер — Корай Палаз
Түркиялық команданы енді 46 жастағы Корай Палаз баптайды. Бұған дейін ол "Испарта" клубының тізгінін ұстаған. Жаңа келісімшарт бір жылға жасалып, тағы бір жылға ұзарту мүмкіндігі де қарастырылған.
Өткен маусымдағы нәтиже: соңғы орын және айыппұл
Еске сала кетейік, 2024/25 жылғы маусымда "Адана Демирспор" Түркия чемпионатында соңғы — 19-орынды иеленіп, екінші дивизионға түсіп қалды. Команда небәрі 2 ұпай жинап, жанкүйерлердің көңілін қалдырған болатын.
Маусым барысында Түркия футбол федерациясының шешімімен клубтан 12 ұпай шегерілген, бұл нәтиже көрсеткішіне айтарлықтай әсер етті.
Айымбетовтың жаңа маусымдағы мүмкіндігі қандай?
Абат Аймбетов үшін бұл маусым – өз мүмкіндігін дәлелдейтін шешуші кезең болмақ. Қазақстандық шабуылшы жаңа бапкердің сеніміне ие болып, команданың басты бомбардирлерінің біріне айнала ала ма — бұл алдағы уақытта белгілі болады.