Миллиардер ресми түрде Қазақстандағы футбол Федерациясын басқарады

Төрт жылдық даму стратегиясы

Турлов жиналыста аймақ футболын дамытуға арналған төрт жылдық стратегиялық бағдарламасын таныстырды. Бағдарлама негізінен:

• бұқаралық футболды кеңейтуге,
• балалар мен жасөспірімдер футболын дамытуға,
• жүйелі басқару мен мақсатты инвестицияларды енгізуге бағытталған.

“Футболдағы табыс үлкен стадионнан емес, ауладағы ойыннан, мектеп алаңынан басталады. Даму үшін жүйелі қадамдар, ашық басқару және тиімді инвестициялар қажет”, – деді Турлов.

Жаңа жобалар мен мақсаттар

Жаңа президенттің жоспарлары ауқымды:

• 100-ден астам балабақша мен мектеп “ALGA!” жобасына қосылып, 40 мыңнан астам оқушы мен 3600 студент қамтылады;
• Әуесқой футбол турнирлері мен қыздарға арналған фестивальдер ұйымдастырылады;
• Қала мен ауылдарға шағын футбол алаңдары салынады;
• Балалар-жасөспірім спорт мектептеріне жаңа манеждер мен толық өлшемді алаңдар тұрғызылады;
• Қолданыстағы инфрақұрылым жаңартылады.

Жергілікті чемпионаттар форматы өзгереді

• Ересек ойыншылар апталық жүйемен толыққанды чемпионатқа қатысады;
• 10–12 жас аралығындағы балалар шағын форматтағы турнирлерде ойнайды;
• 10 жасқа дейінгі футболшылар біркүндік фестивальдерде бақ сынайды.

Жас бапкерлерге де жаңа мүмкіндік беріледі – үздік мамандарға УЕФА лицензиясына оқуға және шетелдік тәжірибеден өтуге гранттар ұсынылады.

Инвестициялар көлемі

Freedom Holding Corp. Қарағанды облысының футболына 4 жыл ішінде 18,5 млрд теңге инвестиция құймақ:

• 12 млрд теңге – Қарағандыда салынып жатқан балалар-жасөспірімдер академиясына;
• Қалған қаржы – бұқаралық футболды дамытуға және аймақтық резерв дайындауға жұмсалады.

Шілде айында Турлов құны 11–12 млрд теңге болатын жаңа академия жобасын таныстырған болатын.

Қосымша факті

Тимур Турлов – Freedom QJ League жастар лигасының қамқоршылық кеңесінің төрағасы. Бұл лиганы толықтай Freedom Holding Corp. қаржыландырады. Сонымен қатар ол Қазақстан шахмат федерациясының президенті қызметін де атқарады.