"Наполи" мен "Манчестер Юнайтед" Хёйлунд бойынша келісімге келді
"Наполи" Дания құрамасының шабуылшысы Расмус Хёйлундты "Манчестер Юнайтедтен" жалға алуға келісті.
Міндетті сатып алу шарты енгізілді
Келісімшартқа сәйкес, егер неапольдік команда маусым соңында Чемпиондар лигасына жолдама алса, Хёйлундты толықтай сатып алу міндеттеледі. Айта кетерлігі, бұл шарт ойыншының "Наполи" сапындағы өткізген матчтарының санына тәуелді емес. Бұл туралы инсайдер Джанлука Ди Марцио хабарлады.
Клубтар арасындағы келіссөздер жалғасуда
Бүгін қос тарап ресми келіссөздердің жаңа кезеңін өткізуі тиіс. Ал футболшының өзі "Манчестер Юнайтедтен" кетуге дайын екенін білдіріп, трансферді аяқтау үшін арнайы рұқсат күтуде.
Алғашқы матчқа дайындық
"Наполи" Хёйлундты 30 тамыз күні "Кальяриге" қарсы өтетін кездесуде алаңға шығаруды жоспарлап отыр. Бұл трансфер неапольдіктердің шабуыл шебін күшейтуге бағытталған басты қадамдардың бірі саналады.