"Фенербахче" Жозе Моуриньюді қызметінен босатты

“Фенербахче” мен Моуринью қоштасты

Бұл шешім команданың Чемпиондар лигасының негізгі кезеңіне өте алмауына байланысты қабылданған. Ыстамбұлдық клуб плей-оффта “Бенфикаға” қарсы ойында жеңіліп қалды (0:0, 0:1).

Клубтың баспасөз хабарламасында:

“Біз 2024/25 маусымынан бері команда тізгінін ұстаған Жозе Моуриньюмен қош айтыстық. Оның еңбегі үшін алғыс білдіреміз және болашақ мансабына табыс тілейміз”, — делінген.

Моуриньюдың Түркиядағы кезеңі

62 жастағы португал маман 2024 жылы “Фенербахчеге” келген еді. Өткен маусымда команда Суперлигада екінші орынға тұрақтап, чемпиондыққа аз ғана жетпей қалды.

Алайда еурокубоктағы сәтсіздік бас бапкердің тағдырына әсер етті.

Футбол жанкүйерлері үшін Моуринью — әлем футболындағы ең атақты бапкерлердің бірі. Оның жетістіктері:

• Чемпиондар лигасының екі дүркін жеңімпазы (“Порту”, “Интер”);
• Англия чемпионы – 3 рет (“Челси”);
• Италия чемпионы – 2 рет (“Интер”);
• Испания чемпионы (“Реал Мадрид”).

Сонымен қатар ол “Манчестер Юнайтед”, “Тоттенхэм”, “Рома” сынды атақты клубтарды жаттықтырды.