2,5 млрд теңгеге жөнделген стадионнан проблема шықты
Нысан нөсер жауынға төтеп бере алмай қалған.
Петропавл қаласындағы «Қарасай» стадионының қайта жөндеудің екінші кезеңі аяқталып, нысан ресми түрде УЕФА стандартына сәйкес деп танылды. Енді бұл алаңда Еуропа кубогы матчтарын қабылдауға мүмкіндік бар. Бұл туралы Sportinside.kz хабарлады.
Жоспарға сай қалада әмбебап арена, керлингке арналған корттары бар коньки кешені және 5 мың көрерменге арналған академиясы бар жабық футбол аренасы бой көтеруі тиіс еді. Бірақ басты назар «Қарасай» стадионына аударылған болатын.
Жаңбырдан кейінгі мәселе
Алайда желіде тараған суреттер жергілікті жанкүйерлерді таңғалдырды. 2,5 млрд теңге бөлініп жөнделген алаң нөсер жаңбырды көтере алмай, суға толып кеткен. Жаңа жасалған дренаж жүйесі күткендей жұмыс істемеген.
Бұл жағдай әлеуметтік желіде қызу талқыланып, «қомақты қаржыға жөнделген стадионның сапасы қайда?» деген сұрақтар туындады.
Ресми мәлімет
Жергілікті билік пен мердігер компанияға қатысты сын күшейіп жатыр. Ал жанкүйерлер «Қызылжардың» алаңын Еуропа талаптарына сәйкестендіру үшін бөлінген қаржының тиімділігіне күмән келтіруде.