Қазақстан кубогының финалына билеттер түгел сатылып кетті

KFF League баспасөз қызметі Қазақстан кубогының финалдық матчының билеттері толық сатылып кеткенін хабарлады.

Шымкенттің «Ордабасы» мен Қостанайдың «Тобылы» арасындағы кездесу 4 қазанда Қызылордада жаңадан салынған «Қайсар Арена» стадионында өтеді. Ойынның басталу ысқырығы 19:00-де соғылады.

Еске салайық, ҚФФ төрешілер және инспекторлар департаменті 2025 жылғы маусымдағы Olimpbet–Қазақстан кубогының финалдық матчының төрешілері мен инспекторларын тағайындады. Финалды шетелден келген төрешілерге тапсырған екен.

«Ордабасы» (Шымкент) – «Тобыл» (Қостанай) 

• Бас төреші: Свен Вольфенсбергер (Швейцария);
• Қосымша төрешілер: Стефан Де Альмейда (Швейцария), Йонас Эрни (Швейцария);
• VAR төрешісі: Йоханнес фон Мандах (Швейцария);
• AVAR төрешісі: Арман Есмұратов (Астана);
• Қосалқы төреші: Данил Горда (Көкшетау).

Екі ұжымда өз тарихында Қазақстан кубогін екі мәрте жеңген.