Өткен маусымда "Ордабасы" еурокубокте нашар өнер көрсетіп, чемпионатта үздіктер қатарына кіре алмады.
«Ордабасы» командасының қаржылық жағдайы туралы ақпарат шықты.
Match.kz сайтының мәліметінше, «Ордабасы» командасының қызметкерлері мен футбол орталығындағы жаттықтырушылар үш айдан бері жалақыларын ала алмай жүр.
«Клуб директоры осы аптада жалақыны төлеуге уәде берді, бірақ ақша әлі жоқ», - деп жазды басылым.
Еске салсақ, шымкенттік клубтың бюджеті осы маусымда шамамен 4 миллиард теңге болып, ҚПЛ-дағы ең көп қаражаттардың бірі болып тіркелді.
Ал ішкі чемпионатта Андрей Мартиннің шәкіреттері тек жетінші орын алды. Еурокубокте "Ордабасы" алғашқы айналымда-ақ ұшып кетті. Ел кубогында команда финалға дейін жетіп, "Тобылға" есе жіберген (0:2).