Қазақстан Премьер-лигасының ең атақты клубтарының бірі – «Ақтөбе» бас бапкер қызметіне болгариялық маман Станимир Стоиловтың кандидатурасын қарастырып жатқаны туралы ақпарат тарады.
Журналист Елдар Аманбаевтың мәліметінше, клубтың жаңа иелері Стоиловты командаға шақыру мүмкіндігін зерттеген. Болгариялық маман қазақстандық жанкүйерлерге жақсы таныс:
Станимир Стоилов бұған қоса 2018–2019 жылдары Қазақстан құрамасын басқарды.
Қазір болгариялық бапкер Түркияның «Гёзтепе» клубын жаттықтырып жүр. Чемпионатта 13 турдан кейін командасы турнир кестесінің жоғарғы бөлігінде орналасқан.
Сондықтан маусым ортасында мұндай деңгейдегі маманның клубын тастап кетуі екіталай деген пікір айтылуда. Дегенмен «Ақтөбенің» қызығушылығы мен келіссөзге ұмтылысының өзі – клуб амбициясының жоғары екенін көрсетеді.
Хабарға сенсек, желтоқсан айында «Ақтөбенің» жаңа қожайындары клубты толық қабылдап алады. Сол сәттен бастап бас бапкер ауыстыру, жаттықтыру штабының құрамын өзгерту сияқты нұсқалар қарастырылуы мүмкін.
Журналистің жазуынша, қазіргі бас бапкер Костовқа қатысты сұрақ көп. Ал желтоқсан айы «Ақтөбе» жанкүйерлері үшін өте қызық жаңалықтарға толы болуы мүмкін.