"Интер Майами" МЛС кубогінің финалына шықты.
30 қараша түнінде АҚШ-тың Форт-Лодердейл қаласындағы «Чейз Стэдиум» аренасында MLS плей-оффының жартылай финалы аясында «Интер Майами» мен «Нью-Йорк Сити» командалары кездесті.
Ойын «қоқиқаздардың» ірі жеңісімен – 5:1 есебімен аяқталды.
Жеңімпаздар сапында аргентиналық вингер Тадео Алленде хет-трик авторы атанды. Тағы бір-бір голды аргентиналық Матео Сильветти мен венесуэлалық Теласко Сеговия соқты. Жұлдызды форвард Лионель Месси бұл матчта голдық пас берді. Осылайша, оның карьерасындағы нәтижелі пастар саны 405-ке жетті. Ол венгриялық аңыз шабуылшы Ференц Пушкашқа тиесілі асисттер рекордын жаңартты.
Осылайша, «Интер Майами» финалға жолдама алып, «Сан-Диего» — «Ванкувер Уайткэпс» жұбының жеңімпазымен кездеседі.